ହରିୟାଣା: ଡେରା ସଚ୍ଚା ସୌଦା ମୁଖ୍ୟ ଗୁରମୀତ ରାମ ରହିମ ସିଂହ ହରିୟାଣାର ରୋହତକ ଜିଲ୍ଲାର ସୁନାରିୟା ଜେଲରୁ ୪୦ଦିନ ପାଇଁ ପୁଣିଥରେ ପାରୋଲରେ ଆସିବେ । ରାମ ରହିମ ଦୁଷ୍କର୍ମ ଓ ହତ୍ୟା ମାମଲାରେ ସଜା କାଟୁଛନ୍ତି । ପଞ୍ଚାୟତ ନିର୍ବାଚନ ଓ ଆଦମପୁର ଉପନିର୍ବାଚନ ପାଖେଇ ଆସୁଥିବାରୁ ରାମ ରହିମଙ୍କୁ ପାରୋଲରେ ଛଡ଼ା ଯାଉଛି ବୋଲି ଅଭିଯୋଗ ହୋଇଛି । କିନ୍ତୁ ରାମ ରହିମଙ୍କ ପାରୋଲ ସହ ନିର୍ବାଚନର କୌଣସି ସମ୍ପର୍କ ନାହିଁ ବୋଲି ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଖଣ୍ଡନ କରିଛନ୍ତି ।
ସୂଚନାଯୋଗ୍ୟ, ଗୁରମୀତ ରାମ ରହିମ ସିଂହଙ୍କୁ ଜୁନରେ ପାରୋଲରେ ଛଡ଼ା ଯାଇଥିଲା । ସେହି ସମୟରେ ଶିରୋମଣି ଗୁରୁଦ୍ୱାର ପ୍ରବନ୍ଧକ କମିଟି ଅଧ୍ୟକ୍ଷ ହରଜିନ୍ଦର ସିଂହ ଧାମୀ ହରିୟାଣା ସରକାରର ନିନ୍ଦା କରିଥିଲେ ।
