ରାୟଗଡା,ଏନ୍ଏନ୍ଏସ୍: ରାୟଗଡା ରେଳ ଷ୍ଟେସନ ନିକଟରେ ଅଘଟଣ। ଜଣେ ବ୍ୟକ୍ତି ରେଳ ଧାରଣା ଅତିକ୍ରମ ବେଳେ ଏକ ମାଲବାହୀ ଟ୍ରେନ ମାଡିଯିବାରୁ ନିଜ ହାତପାପୁଲି ହରାଇଛନ୍ତି। ସୂଚନା ଅନୁଯାୟୀ, ପଡୋଶୀ ଆନ୍ଧ୍ର ରାଜ୍ୟ ବିଶାଖାପଟଣା, ଗୋପାଳ ପାଟଣା ଅଚଂଳରୁ ଶ୍ରଦ୍ଧାଳୁ ଏମ ରାମା ରଓ ଅଧିଷ୍ଠାତ୍ରୀ ଦେବୀ ମା ମଝିଘରିଆଣିଙ୍କ ଦର୍ଶନ କରିବାକୁ ଆସିଥିଲେ। ମନ୍ଦିରରେ ପୂଜାର୍ଚ୍ଚନା ସାରି ରାୟଗଡା ରେଳ ଷ୍ଟେସନ ଅଭିମୁଖେ ଫେରୁଥିଲେ।
ଷ୍ଟେସନ ଆସୁଥିବା ସମୟରେ ଓଭରବ୍ରିଜ ନିକଟ ରେଳ ଧାରଣା ପାର ହେଉଥିବା ବେଳେ ଏହି ସମୟରେ ଉକ୍ତ ଧାରଣାରେ ଏକ ମାଲବାହି ଟ୍ରେନ ଅତିକ୍ରମ କରୁଥିଲା। କୌଣସି କାରଣ ବସତଃ ଗୋଡ ଖସି ପଡିଥିବାରୁ ଶ୍ରୀ ରାଓଙ୍କ ହାତପାପୁଲି ଟ୍ରେନ ଚକାତଳେ ଆସି କଟିଯାଇଥିଲା। ଘଟଣା ପରେ ଆହାତ ଅବସ୍ଥାରେ ଆରପିଏଫ ପୁଲିସ ଉଦ୍ଧାର କରି ଜିଲା ଚିକିତ୍ସାଳୟରେ ଭର୍ତି କରିଛନ୍ତି। ଏଠାରେ ଗୁରୁତର ଅବସ୍ଥାରେ ତାଙ୍କର ଚିକିତ୍ସା ଚାଲିଥିବା ବେଳେ ଘଟଣା ସଂମ୍ପର୍କରେ ଆରପିଏଫ ପକ୍ଷରୁ ପରିବାର ଲୋକଙ୍କୁ ସୂଚନା ଦିଆଯାଇଥିବା ଜଣାଯାଇଛି।
