ପାଟଣା,ଏନ୍ଏନ୍ଏସ୍: ଅବକାରୀ ବିଭାଗ ପକ୍ଷରୁ ପାଟଣା ଥାନା ଅଞ୍ଚଳରେ ଚଢ଼ଉ କରାଯାଇ ବିପୁଳ ପରିମାଣର ମହୁଲି ମଦ ଜବତ ସହିତ ୫ ଜଣଙ୍କୁ ଗିରଫ କରାଯାଇଛି। ସୂଚନା ଅନୁସାରେ କେନ୍ଦୁଝର ଜିଲ୍ଲା ପାଟଣା ଅବକାରୀ ବିଭାଗ ଓ ଘଟଗାଁ ଅବକାରୀ ବିଭାଗ ପକ୍ଷରୁ ପାଟଣା ଥାନା ଅଞ୍ଚଳରେ ଚଢ଼ଉ କରାଯାଇଥିଲା। ଏହି ସମୟରେ ବିପୁଳ ପରିମାଣର ମହୁଲି ମଦ ଜବତ ସହିତ ମହୁଲି ପୋଚକୁ ନଷ୍ଟ କରାଯାଇଛି।
ସେହିପରି ବେଆଇନ ମଦ ବିକ୍ରି ଅଭିଯୋଗରେ ୫ ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରିଛି ଅବକାରୀ ବିଭାଗ। ଗିରଫ ଅଭିଯୁକ୍ତମାନେ ହେଲେ ମାଛଗଡ଼ର ରବୀନ୍ଦ୍ର ମଣ୍ଡଳ ଓ ଦେବେନ୍ଦ୍ର ମଣ୍ଡଳ, ହରିହର ପୁରର ଭିକୁସେଟ ମାଝୀ ଏବଂ ବାରତୁଣିଆ ଗ୍ରାମର କୁନି ମୁଣ୍ଡା ଓ ଗୋପାଳ ମୁଣ୍ଡା। ସମସ୍ତଙ୍କୁ ସ୍ୱାସ୍ଥ୍ୟ ପରୀକ୍ଷା ପରେ କୋର୍ଟ ଚାଲାଣ କରାଯାଇଛି।
