ବ୍ରାହ୍ମଣୀଗାଁ,ଏନ୍ଏନ୍ଏସ୍: ଦାରିଙ୍ଗବାଡ଼ି ପୁଲିସ ଆଜି ସକାଳୁ ସକାଳୁ ବସଷ୍ଟାଣ୍ଡ ନିକଟରେ ଚାଲିଥିବା ଏକ ଜୁଆ ଆଡ୍ଡା ଉପରେ ଚଢ଼ଉ କରିଥିଲା। ଚଢଉ ବେଳେ ୧୭ ଜଣ ଜୁଆଡିଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ପୁଲିସ ନଗଦ ୬୨ ହଜାର ୮୬୦ ଟଙ୍କା ସମେତ ୯ ଟି ମୋବାଇଲ ଜବତ କରିଛି। ସୋରଡା ଥାନା ଅଞ୍ଚଳର ବ୍ୟବସାୟୀ ଗୌରୀ ଶଙ୍କର ପାଢୀ ବସଷ୍ଟାଣ୍ଡ ନିକଟରେ ଏକ ଘର ଭଡ଼ା ନେଇ ଜୁଆ ଆଡ୍ଡା ଚଳାଉଥିଲେ। ଗତକାଲି ଦୀପାବଳି ପର୍ବ ଥିବାରୁ ଜୁଆଡ଼ି ମାନେ ରୁଣ୍ଡ ହୋଇ ଖେଳୁଥିଲେ।
କୌଣସି ସୂତ୍ରରୁ ପୁଲିସ ସୂଚନା ପାଇ ସକାଳୁ ଥାନା ଅଧିକାରୀ କୌଶିକ ମାଝୀଙ୍କ ନେତୃତ୍ୱରେ ଏକ ଟିମ ଜୁଆ ଆଡ୍ଡା ଉପରେ ଚଢ଼ଉ କରିଥିଲା। ଏହି ଘଟଣାରେ କେସ୍ ନମ୍ବର ୧୯୩/୨୧ ରେ ମାମଲା ରୁଜୁ କରାଯାଇଛି। ୧୭ ଜଣ ବ୍ୟକ୍ତିଗତ ବେଲବଣ୍ଡ ଦେଇ ଥାନରୁ ଯାଇଥିବା ଥାନା ଅଧିକାରୀ କହିଛନ୍ତି।
