ଚଣ୍ଡିଗଡ,ଏଜେନ୍ସି: ପୁଣିଥରେ ଚର୍ଚ୍ଚାରେ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମନ । ଏଥର ବିବାହକୁ ନେଇ । ଆସନ୍ତାକାଲି ବିବାହ କରିବେ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମନ । ଚଣ୍ଡିଗଡ଼ସ୍ଥିତ ତାଙ୍କ ବାସଭବନରେ ଡ ଗୁରୁପ୍ରିତ କୌରଙ୍କୁ ବିବାହ କରିବେ ଭଗବନ୍ତ । ଏହି ବିବାହ ଉତ୍ସବରେ ଆମ ଆଦମୀ ପାର୍ଟି ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଯୋଗଦେବା ନେଇ ସୂଚନା ମିଳିଛି ।
ପୂର୍ବରୁ ଥରେ ବିବାହ କରିଥିଲେ ଭଗବନ୍ତ ମନ । ପ୍ରାୟ ୬ ବର୍ଷ ତଳେ ମୁଖ୍ୟମନ୍ତ୍ରୀ ମାନଙ୍କର ଛାଡପତ୍ର ହୋଇଥିଲା । ଏବେ ପୁଣି ଥରେ ସେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀଙ୍କ ନିକଟକୁ ବିଭିନ୍ନ ମହଲରୁ ଅଭିନନ୍ଦନର ବାର୍ତ୍ତା ପହଞ୍ଚିବାରେ ଲାଗିଛି ।
