ପାଟଣାଗଡ଼,ଏନ୍ଏନ୍ଏସ୍: ପାଟଣାଗଡ଼ କ୍ରିକେଟ କ୍ଲବ ତରଫରୁ ପ୍ରଥମଥର ପାଇଁ ଆଇପିଏଲ ଢାଞ୍ଚାରେ ପିପିଏଲ ତଥା ପାଟଣାଗଡ଼ ପ୍ରିମିୟର ଲିଗ ଅନୁଷ୍ଠିତ ହେବ । ସେଥିପାଇଁ ଆଜି ସ୍ଥାନୀୟ ପଞ୍ଚମୁଖୀ ହନୁମାନ ମନ୍ଦିରରୁ ଭାଗ ନେଇଥିବା ଖେଳାଳୀମାନେ ଏକ ଶୋଭାଯାତ୍ରୋର ବାହାରି ସହର ପରିକ୍ରମା କରି ସ୍ଥାନୀୟ ରମାଇ ହାଇସ୍କୁଲ ପଡ଼ିଆରେ ପହଞ୍ଚିଥିଲେ । ଏଥିରେ ମୁଖ୍ୟଅତିଥି ଭାବେ ପାଟଣାଗଡ଼ ଉପଜିଲ୍ଲାପାଳ ଡା. ବିଜୟାନନ୍ଦ ସେଠୀ ଯୋଗଦେଇ ଟୁର୍ଣ୍ଣାମେଣ୍ଟକୁ ଉଦଘାଟନ କରିଥିଲେ । ଏହି ଅବସରରେ ଲିଗରେ ଭାଗ ନେଇଥିବା ୪ଟି ଦଳର କ୍ରିକେଟ ଖେଳାଳୀ ସହ ଟିମ ମାଲିକମାନେ ଉପସ୍ଥିତ ଥିଲେ ।
