ପାଟଣାଗଡ,ଏନ୍ଏନ୍ଏସ୍ : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଅନ୍ତର୍ଗତ ରେଙ୍ଗାଲି ପଂଚାୟତ ଭରୁଆମୁଣ୍ଡା ବର୍ତିଆ ଗାଁ’ ପାଖରେ ଥିବା ଚାନ୍ଦିଲି ପାହାଡ଼ରେ ଆଜି ଅପରାହ୍ନରେ ପୋଲିସ ଓ ମାଓବାଦୀ ମଧ୍ୟରେ ଗୁଳିବିନିମୟ ହୋଇଥିବାର ଜଣାଯାଇଛି। ଫଳରେ ମାଓବାଦୀ ମାନେ ଛତ୍ରଭଙ୍ଗ ହୋଇ ଚାଲିଯାଇଥିବା ଜଣାଯାଇଛି। ଲାଠୋର ପୋଲିସ ଏକ ମାଓ କେମ୍ପ ଠାବ କରି ବହୁ ସାମଗ୍ରୀ ଜବତ କରିଛି। ଚାନ୍ଦିଲି ପାହାଡରେ ମାଓବାଦୀ ଥିବା କୌଣସି ସୂତ୍ରରୁ ପୋଲିସ ଖବରପାଇ କମ୍ବିଂଗ କରୁଥିବାବେଳେ ଏହି ଘଟଣା ଘଟିଛି। ପୋଲିସ ଘଟଣାସ୍ଥଳରୁ ମାଓବାଦୀଙ୍କ ବିଭିନ୍ନପ୍ରକାର ରନ୍ଧା ସାମଗ୍ରୀ ଓ ଦୁଇଟି ଅଫୁଟା ଗୁଳି ସହ ବିଭିନ୍ନ ଉପକରଣ ଉଦ୍ଧାର କରିଥିବା ଜଣାଯାଇଥିବାବେଳେ ଏ ନେଇ ପୋଲିସ ଗଣମାଧ୍ୟମକୁ କୌଣସି ସୂଚନା ଦେଇନି ।
