ଭୋପାଳ: ମଧ୍ୟପ୍ରଦେଶ ରାଜଧାନୀ ଭୋପାଳରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ରୋଡ ଶୋ’ ପୁଣିଥରେ ବାତିଲ କରାଯାଇଛି । ଭାରି ବର୍ଷାର ସମ୍ଭାବନାକୁ ଦୃଷ୍ଟିରେ ରଖି ରୋଡ ଶୋ’ କାର୍ଯ୍ୟକ୍ରମକୁ ସ୍ଥଗିତ ରଖାଯାଇଛି । ଭୋପାଳରେ ୩୫୦ ମିଟର ରୋଡ ଶୋ’ ହେବାର ଥିଲା କିନ୍ତୁ ଖରାପ ପାଣିପାଗ ଯୋଗୁ ଏବେ ମୋଦୀ ସିଧାସଳଖ କାର୍ଯ୍ୟକ୍ରମ ସ୍ଥଳୀ ପହଞ୍ଚିବେ ।
ସୂଚନାଯୋଗ୍ୟ, ପ୍ରଧାନମନ୍ତ୍ରୀ ମୋଦୀ ୧୦ଟା ୧୫ରେ ଭୋପାଳ ଏୟାରପୋର୍ଟରୁ ବରକତଉଲ୍ଲା ବିଶ୍ୱବିଦ୍ୟାଳୟ ଯିବେ ଏବଂ ୧୦ଟା ୩୦ରେ ରାଣୀ କମଳାପତି ଷ୍ଟେସନ ପହଞ୍ଚିବେ । ୧୧ଟାରେ ରାଣୀ କମଳାପତି ଷ୍ଟେସନରୁ ବନ୍ଦେ ଭାରତ ଟ୍ରେନକୁ ସବୁଜ ପତାକା ଦେଖାଇ ଶୁଭାରମ୍ଭ କରିବେ । ୧୧ଟା ୫ରେ ସଡ଼କ ମାର୍ଗରୁ ଲାଲ ପ୍ୟାରେଡ ପଡ଼ିଆକୁ ବାହାରିବେ ।
