ଭଦ୍ରକ,ଏନ୍ଏନ୍ଏସ୍: ଭଦ୍ରକ ୧୬ନଂ ଜାତୀୟ ରାଜପଥର ବାରିକପୁର ଛକ ନିକଟରେ ଆଜି ଏକ ମର୍ମନ୍ତୁଦ ସଡ଼କ ର୍ଦୁଘଟଣା ଘଟିଛି। ଏଥିରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୧୫ରୁ ଅଧିକ ଲୋକ ଗୁରୁତର ଆହତ ହୋଇଛନ୍ତି। ସେଠାରୁ ଅହାତ ମାନଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି। ସୂଚନା ଅନୁସାରେ ଆଜି ଭୋରରେ ରାସ୍ତ କଡ଼ରେ ଛିଡ଼ା ହୋଇଥିବା ଧାନ ବୋଝେଇ ଟ୍ରକକୁ ତୀର୍ଥଯାତ୍ରୀ ବସଟି ସାମ୍ନାପଟୁ ଧକ୍କା ଦେଇଥିଲା।
ସୂଚନା ଅନୁଯାୟୀ, ଉତ୍ତରପ୍ରଦେଶ ଅଞ୍ଚଳର ତୀର୍ଥ ଯାତ୍ରୀ ଅଯୋଧ୍ୟାରୁ ପୁରୀ ଅଭିମୁଖେ ଯାଉଥିବା ବେଳେ ପୂର୍ବରୁ ରଙ୍ଗ ରୁଟରେ ଆସୁଥିବା ଗୋଟିଏ ଧାନ ବୋଝେଇ ଟ୍ରକର ତେଲ ସରିଯିବାରୁ ଜାତୀୟ ରାଜପଥ ମଧ୍ୟରେ ଛିଡା ହୋଇଥିଲା। ଟୁରିଷ୍ଟ ବସଟି ଦ୍ରୁତ ଗତିରେ ଯାଇ ଛିଡା ହୋଇଥିବା ଧାନ ବୋଝେଇ ଟ୍ରକର ସାମ୍ନାପଟୁ ବାଡ଼େଇଥିବା ସୂଚନା ମିଳିଛି। ଦୂର୍ଘଟଣାରେ ଶିକାର ହୋଇଥିବା ତୀର୍ଥଯାତ୍ରୀଙ୍କୁ ସଙ୍ଗେ ସଙ୍ଗେ ଅଗ୍ନିଶମ ବାହିନୀ ଓ ପୁଲିସଙ୍କ ପକ୍ଷରୁ ଉଦ୍ଧାର କରାଯାଇ ଆମ୍ବୁଲାନ୍ସ ଯୋଗେ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି। ବସରେ ମୋଟ ୫୦ରୁ ଊର୍ଦ୍ଧ୍ୱ ଯାତ୍ରୀ ଥିଲେ।
