ପାଟଣା,ଏନ୍ଏନ୍ଏସ୍ : କାଳ ବୈଶାଖୀ ପ୍ରଭାବରେ କେନ୍ଦୁଝର ଜିଲ୍ଲା ସାହାରପଡା ବ୍ଲକ ତେଣ୍ଡେରା ପଞ୍ଚାୟତ ଅଞ୍ଚଳରେ ଗୁରୁବାର ଅପରାହ୍ନରେ ବର୍ଷା ପବନ ସାଙ୍ଗକୁ କୁଆ ପଥର ମାଡ଼ ଯୋଗୁ ବ୍ୟାପକ କ୍ଷୟକ୍ଷତି ହୋଇଛି। ପବନର ବେଗ ଜୋର ଥିବାରୁ ରସପଡା ଗ୍ରାମର ମହନ ସୁନ୍ଦର ମହାନ୍ତ ଋଣ କରି ବଏଲର ଫାର୍ମ କରିଥିଲେ । ପବନ ଯୋଗୁ ଫାର୍ମର ଛପର ସମ୍ପୂର୍ଣ୍ଣ ଉଡିଯାଇଛି। ଏଥି ସହିତ ଗ୍ରାମର କିଛି ଲୋକଙ୍କ ଘରର ଛପର ଉଡିଯାଇଥିବା ସୂଚନା ମିଳିଛି। ବର୍ଷା ଓ କୁଆପଥର ଯୋଗୁ ପନିପରିବା ଚାଷ ମଧ୍ୟ ନଷ୍ଟ ହୋଇଛି । ଖୁବଶୀଘ୍ର ଲୋକଙ୍କୁ ସରକାରୀ ସହାୟତା ଯୋଗାଇ ଦେବାକୁ ତେଣ୍ଡେରା ସରପଞ୍ଚ ରାଜ ବଲ୍ଲଭ ଦେହୁରୀ ଦାବି କରିଛନ୍ତି ।
