ପଞ୍ଜାବ: ଆମ ଆଦମି ପାର୍ଟି ନେତା ରାଘବ ଚଢ଼ା ଓ ବଲିଉଡ ଅଭିନେତ୍ରୀ ପରିଣୀତି ଚୋପ୍ରାଙ୍କ ନିର୍ବନ୍ଧ ନିକଟରେ ସରିଛି । ଫ୍ୟାନ୍ସ ଏବେ ରାଘବ ଓ ପରିଣୀତିଙ୍କ ବିବାହକୁ ଅପେକ୍ଷା କରିଥିବାବେଳେ ଦୁହିଁଙ୍କୁ ଅନେକ ସମୟରେ ଏକାଠି ଦେଖିବାକୁ ମିଳିଥାଏ । ଇତିମଧ୍ୟରେ ପରିଣୀତି ଏବଂ ତାଙ୍କ ଭାବିସ୍ୱାମୀ ରାଘବ ଅମୃତସରର ସ୍ୱର୍ଣ୍ଣ ମନ୍ଦିର ଦର୍ଶନ କରିଛନ୍ତି । ଏନେଇ ଉଭୟ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଫଟୋ ସେୟାର କରି ସୂଚନା ପ୍ରଦାନ କରିଛନ୍ତି ।
ସୂଚନାଯୋଗ୍ୟ, ରାଘବ ଓ ପରିଣୀତିଙ୍କ ବିବାହ ଜୟପୁରର ଉମେଦ ଭବନ ପ୍ୟାଲେସରେ ହେବାକୁ ନେଇ ଚର୍ଚ୍ଚା ହେଉଛି । ଖାସ୍ କଥାଟି ହେଲା, ଉମେଦ ଭବନ ପ୍ୟାଲେସରେ ପରିଣୀତିଙ୍କ ବଡ଼ ଭଉଣୀ ପ୍ରିୟଙ୍କା ଚୋପ୍ରା ଓ ନିକ ଜୋନାସଙ୍କ ବିବାହ ଅନୁଷ୍ଠିତ ହୋଇଥିଲା ।
