ବଜ୍ରକାପ୍ତା କାତି ସମେତ ଅସ୍ତ୍ରଶସ୍ତ୍ର ଜବତ: ଜଣେ ଗିରଫ

ସମ୍ଵଲପୁର,ଏନ୍ଏନ୍ଏସ୍: ସମ୍ଵଲପୁର ଧନୁପାଲି ଥାନା ସୁନାପାଲିରୁ ବଜ୍ରକାପ୍ତା କାତି ଚୋରାଚାଲାଣ ଅଭିଯୋଗରେ ଜଣଙ୍କୁ ଗିରଫ କରାଯାଇଛି। ଏଥିସହ ୧୩ଟି ବଜ୍ରକାପ୍ତା କାତି ଜବତ କରିଛି ପୁଲିସ। ବିଶ୍ୱସ୍ତ ସୂତ୍ରରୁ ଖବରପାଇ ଧନୁପାଲୀ ପୁଲିସ ଏବଂ ସ୍ୱତନ୍ତ୍ର ସ୍କ୍ବାର୍ଡ ସୁନାପାଲିରୁ ଚଢ଼ଉ କରିଥିଲା।

କିଛି ଦିନ ପୂର୍ବରୁ ଯୁଯୁମୁରା ଅଞ୍ଚଳରେ ହାତୀକୁ ଗୁଳିକରି ହତ୍ୟା କରାଯାଇଥିଲା। ଏହାକୁ ନେଇ ପୁଲିସ ଫୈଜ ହୁସେନ ଘରେ ଚଢ଼ଉ କରିଥିଲେ। ସେଠାରୁ ୧୩ଟି ବଜ୍ରକାପ୍ତା କାତି ସହ ୩ଟି ଖଣ୍ଡା, ଗୋଟିଏ ଗୁପ୍ତି ଏବଂ ଏକ ଏୟାର ଗନ୍ ଜବତ ହୋଇଛି।