ନୂଆଦିଲ୍ଲୀ: ଏସିଆ କପକୁ ନେଇ ଜୋରଦାର ପ୍ରସ୍ତୁତି ଆରମ୍ଭ ହୋଇଯାଇଛି । ଅଷ୍ଟ୍ରେଲିଆ ଓ ଶ୍ରୀଲଙ୍କାର ମିଳିତ ଆୟୋଜନରେ ଅଗଷ୍ଟ ୩୦ରେ ଆରମ୍ଭ ହୋଇ ଉକ୍ତ ଟୁର୍ଣ୍ଣାମେଣ୍ଟ ଅଗଷ୍ଟ ୧୭ ପର୍ଯ୍ୟନ୍ତ ଚାଲିବ । ଏହି ପରିପ୍ରେକ୍ଷୀରେ ପାକିସ୍ତାନ କ୍ରିକେଟ ବୋର୍ଡ ପକ୍ଷରୁ ୧୭ ସଦସ୍ୟ ବିଶିଷ୍ଟ ଟିମ୍ ଘୋଷଣା କରାଯାଇଛି । ବୋର୍ଡ ପକ୍ଷରୁ ପୁଣିଥରେ ବାବର ଆଜମକୁ ଅଧିନାୟକ କରାଯାଇଛି । ବାବର ଆଜମଙ୍କ ବ୍ୟତୀତ ଅବଦୁଲ୍ଲାହ ରାଫିକ, ଫହୀମ ଅଶରଫ, ଫଖର ଜମାଁ, ହାରିସ ରାଓଫ, ଇଫତିଖାର ଅହମ୍ମଦ, ଇମାମ ଉଲ ହକ, ମହମ୍ମଦ ହାରିସ(ୱିକେଟକିପର), ମହମ୍ମଦ ନବାଜ, ମହମ୍ମ ରିଜୱାନ, ମହମ୍ମନ ବସୀମ ଜୁନିୟର, ନସୀମ ଶାହ, ସଲମାନ ଅଲୀ ଆଗା, ସଓଦ ଶକୀଲ, ଶାଦାବ ଖାନ(ଉପଅଧିନାୟକ), ଶାହିନ ଆଫ୍ରିଦି ଓ ତୈୟବ ତାହିରଙ୍କୁ ଚୟନ କରାଯାଇଛି।
ଏସିଆ କପର ପ୍ରଥମ ମ୍ୟାଚ୍ ମୁଲତାନର ମୁଲତାନ କ୍ରିକେଟ ଷ୍ଟାଡିୟମରେ ପାକିସ୍ତାନ ଓ ନେପାଳ ମଧ୍ୟରେ ଖେଳାଯିବ । ଏହାପରେ ଲିଗର ଦ୍ୱିତୀୟ ମୁକାବିଲା ଭାରତ ଓ ପାକିସ୍ତାନ ମଧ୍ୟରେ ସେପ୍ଟେମ୍ବର ୨ ତାରିଖରେ ଖେଳାଯିବ ।
