ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲା ଥାନା ଅନ୍ତର୍ଗତ ଭନ୍ଦ୍ରା ପଞ୍ଚାୟତ ନୂଆପଡା ଗାଁର ସୁବାସ ଭୋଇଙ୍କ ଘରୁ ଟଙ୍କା ଓ ସୁନା ଗହଣା ଚୋରୀ ହୋଇଥିବା ଲିଖିତ ଭାବେ ଅଭିଯୋଗ କରିଛନ୍ତି। ବଲାଙ୍ଗିର ସାଇଣ୍ଟିଫିକ ଟିମ୍ ଓ ସଇଁନ୍ତଲା ପୁଲିସ ପହଞ୍ଚି ଘଟଣା ସମ୍ପର୍କରେ ତଦନ୍ତ ଆରମ୍ଭ କରିଛି। ସୂଚନାମତେ ଗତ ଶନିବାର ଦିନ ପରିବାର ଲୋକେ ବରମୁଣ୍ଡା ତାଙ୍କର ଶଶୁର ଘରକୁ ଯାଇଥିଲା।
ସକାଳୁ ନିଜ ଘରକୁ ଫେରିବା ପରେ ଘରର କବାଟରେ ଲାଗିଥିବା ତାଲା ଭାଙ୍ଗାଯାଇଥିବା ଦେଖିବାକୁ ପାଇଥିଲେ। ପରେ ଘରଭିତରକୁ ଯାଇ ଦେଖିବା ବେଳକୁ ତାଙ୍କର ଚାଉଳ ଡ୍ରମ୍ ଭିତରେ ଥିବା ୮ ଭରି ସୁନା ଗହଣା ଓ ୫୦ ହଜାର ଟଙ୍କା ଡ଼କାୟତ ମାନେ ଚୋରି ହୋଇଯାଇଛି। ସ୍ଥାନୀୟ ଲୋକଙ୍କ କହିବା ଅନୁସାରେ ଗ୍ରାମର ବେଣୁ ସାହୁ ଓ ଶିବ ସାହୁ ରାତି ୧୨ଟା ପର୍ଯ୍ୟନ୍ତ ତାଙ୍କ ଘର ପାଖରେ ବୁଲାବୁଲି କରୁଥିଲେ। ଏନେଇ ସୁବାସ ଏହି ଦୁଇ ଜଣ ଯୁବକଙ୍କୁ ସନ୍ଦେହ କରୁଥିବା ପୁଲିସକୁ ଲିଖିତ ଭାବେ ଜଣାଇଛନ୍ତି। ଘଟଣା ସମ୍ପର୍କରେ ପୁଲିସ ଛାନଭିନ ଆରମ୍ଭ କରିଛି।
