କନ୍ଧମାଳ,ଏନ୍ଏନ୍ଏସ୍: ବୁଧବାର ବିଳମ୍ବିତ ରାତିରେ ସଦର ଥାନା ଅନ୍ତର୍ଗତ କୁମୁରିଗୁଡ଼ା ବୁଲାଣିରେ ବାଇକ ଦୁର୍ଘଟଣା ଘଟି ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ଜଣକ ହେଲେ ଜି ଉଦୟଗିରି ଥାନା ଅନ୍ତର୍ଗତ ବାଲୁପାଙ୍ଗା ଗ୍ରାମର ମଦନ ମୋହନ ପ୍ରଧାନଙ୍କ ପୁଅ ଦେବୀ ପ୍ରସାଦ ପ୍ରଧାନ(୨୧) । ଏନେଇ ତଦନ୍ତକାରୀ ଅଧିକାରୀ ସମ୍ବିତ ବେହେରା ସୂଚନା ଦେଇଛନ୍ତି । ମିଳିଥିବା ରିପୋର୍ଟ ମୁତାବକ, ଆଜି ସକାଳେ ମର୍ଣ୍ଣିଂୱାକରେ ଯାଉଥିବା କିଛି ବ୍ୟକ୍ତି ମୃତକଙ୍କୁ ଦେଖି ସଦର ଥାନାରେ ଖବର ଦେଇଥିଲେ । ସଦର ଥାନା ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ଆମ୍ବୁଲାନ୍ସ ଯୋଗେ ଶବ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟ ଫୁଲବାଣୀକୁ ପଠେଇ ଥାନାରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ ।
