ରିଆମାଳ,ଏନ୍ଏନ୍ଏସ୍: କୁଣ୍ଢେଇଗୋଳା ଥାନା ଅନ୍ତର୍ଗତ ପଞ୍ଚମହଲା ଛକ ନିକଟରେ ଏକ ବାଇକ ଦୁର୍ଘଟଣା ଗ୍ରସ୍ତ ହୋଇ ଜଣେ ମୃତ ହୋଇଥିବା ବେଳେ ଆଉ ଜଣେ ଗୁରୁତର ଭାବେ ଆହାତ ହୋଇ ଛେଣ୍ଡିପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି।
ପ୍ରାପ୍ତ ସୂଚନା ଅନୁସାରେ ପରା ଗ୍ରାମର ସୁନିଲ ବିଶ୍ୱାଳ (୩୦) ଓ କୁଞ୍ଜମରା ଗ୍ରାମର ରକେଶ ସାହୁ (୨୫) ଗତକାଲି ଟିଙ୍କବୀର ଗ୍ରାମକୁ ଅପେରା ଦେଖିବାକୁ ସାଙ୍ଗ ହୋଇ ଆସିଥିଲେ। ଆଜି ସକାଳେ ଅପେରା ଦେଖି ସାରି ନିଜ ଘରକୁ ଫେରୁଥିବା ବେଳେ ଭାରସାମ୍ୟ ହରାଇ ବାଇକଟି ଏକ ଗଛରେ ପିଟି ହେବା ଦ୍ୱାରା ଦୂର୍ଘଟଣା ଗ୍ରସ୍ଥ ହୋଇଥିଲ। ଯଦ୍ୱାରା ସ୍ଥାନୀୟ ଲୋକେ ଉକ୍ତ ଦୁଇ ଜଣଙ୍କୁ ଚିକିତ୍ସା ପାଇଁ ଛେଣ୍ଡିପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିବା ବେଳେ ଡାକ୍ତର ସୁନିଲକୁ ମୃତ ଘୋଷଣା କରିଥିଲେ ଓ ରାକେଶର ଚିକିତ୍ସା ଜାରି ରଖିଛନ୍ତି। ଏହି ଘଟଣା ଘଟିବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ଖବରପାଇ କୁଣ୍ଢେଇଗୋଳା ପୁଲିସ ମେଡିକାଲରେ ପହଞ୍ଚି ଶବ ଜବତ କରି ତଦନ୍ତ ଚଳାଇଛି।
