ବଲାଙ୍ଗିର,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ପୁଇନ୍ତଳା ଥାନା ଅଧୀନ ବହଲପଦର ପଞ୍ଚାୟତ ଅଇଁଲାସାରି ଗ୍ରାମରେ ସବର୍ଣ୍ଣ ଓ ଅସବର୍ଣ୍ଣଙ୍କ ମଧ୍ୟରେ ସଂଘର୍ଷ ଘଟି ଜଣଙ୍କର ମୃତ୍ୟୁ ହୋଇଥିବାବେଳେ ୨ ଜଣ ଗୁରୁତର ହୋଇଛନ୍ତି। ଏହି ଘଟଣାରେ ପୁଲିସ ୧୨ଜଣଙ୍କୁ ଗିରଫ କରିଛି। ସୂଚନା ଅନୁଯାୟୀ, ଗାଁର କିଛି ଦଳିତ ମହିଳା ଶୌଚ କରୁଥିବାବେଳେ ଏହାକୁ ନେଇ କିଛି ଲୋକ ଅସଭ୍ୟ ଟିପ୍ପଣି କରିଥିଲେ । ଦଳିତମାନେ ଏ ସମ୍ପର୍କରେ ସରପଞ୍ଚଙ୍କୁ ଜଣାଇଥିଲେ। ଏହାପରେ ସବର୍ଣ୍ଣ ଗୋଷ୍ଠୀର କିଛି ଲୋକ ଦଳିତମାନଙ୍କ ବସ୍ତିକୁ ଯାଇ ଘର ଓ ଗାଡି ଭଙ୍ଗାରୁଜା କରିବାସହ ଜନିଷପତ୍ର ଫିଙ୍ଗି ଦେଇଥିବା ଅଭିଯୋଗ ହୋଇଛି। ଘଟଣାର ସମାଧାନ ପାଇଁ ପୁଲିସ ଉଦ୍ୟମ ଚଳାଇଥିଲେ ମଧ୍ୟ ଗାଁରେ ଉତ୍ତେଜନା ଲାଗି ରହିଛି।
