ପାଟଣା,ଏନ୍ଏନ୍ଏସ୍ : କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ବଳିଆ ପଶି ଗ୍ରାମରେ କୂଅରେ ପଡି ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି। ମୃତକ ହେଲେ ବଳିଆପଶି ଗ୍ରାମର ଭୀମସେନ ନାଏକଙ୍କ ସ୍ତ୍ରୀ ଭାନୁମତି ନାଏକ (୬୫)।
ସୂଚନା ଅନୁଯାୟୀ, ଆଜି ସକାଳୁ ଶୌଚ ହେବାକୁ ଯାଉଥିବା ସମୟରେ ଅସାବଧାନତା ଯୋଗୁ ଗ୍ରାମର ଡମୁରୁ ଧର ନାଏକଙ୍କ କୁଅ ଭିତରେ ପଡିଯାଇଥିଲେ। ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ପରିବାର ଲୋକେ ଜାଣିବା ପରେ ତୁରୁମୁଙ୍ଗା ପୋଲିସକୁ ଖବର ଦେଇଥିଲେ। ଖବର ପାଇ ଘଟଣା ସ୍ଥଳରେ ତୁରୁମୁଙ୍ଗା ପୋଲିସ ପହଂଚି ଘଟଣାର ତଦନ୍ତ କରୁଛି।
