ଭୁବନେଶ୍ୱର,ଏନ୍ଏନ୍ଏସ୍: ଓଡ଼ିଆ ବାୟୁସେନା ଅଧିକାରୀ ଦିଲ୍ଲୀପ ପଟ୍ଟନାୟକ ଇଷ୍ଟର୍ଣ୍ଣ ଏୟାର କମାଣ୍ଡର ଏୟାର ଅଫିସର କମାଣ୍ଡିଂ ଇନ୍ ଚିଫ୍ ଭାବେ ନିଯୁକ୍ତ ହୋଇଛନ୍ତି। ଆସନ୍ତାକାଲି ସେ ଏହି ଦାୟିତ୍ୱ ଗ୍ରହଣ କରିବେ। ପ୍ରଥମ ଓଡ଼ିଆ ଭାବେ ଦିଲ୍ଲୀପଙ୍କୁ ଏହି ଦାୟିତ୍ୱ ମିଳିଛି।
ସୂଚନାଯୋଗ୍ୟ, ଏୟାର ମାର୍ଶଲ ଦିଲ୍ଲୀପଙ୍କର ଫାଇଟର ଜେଟ ମିରେଜ ପାଇଲଟ ଭାବେ ଦକ୍ଷତା ରହିଛି। ସେ କାର୍ଗିଲ ଯୁଦ୍ଧରେ ଅପୂର୍ବ ସାହସିକତା ପାଇଁ ବାୟୁସେନା ମେଡାଲ ପାଇଥିଲେ। ୨୦୨୦ରେ ଦିଲ୍ଲୀପଙ୍କୁ ଅତି ବିଶିଷ୍ଟ ସେବା ମେଡାଲ ମିଳିଥିଲା। ତାଙ୍କଠାରେ ୨୫୦୦ ଘଣ୍ଟାର ଉଡ଼ାଣ ଦକ୍ଷତା ରହିଛି।
