ଝାରସୁଗୁଡା,ଏନ୍ଏନ୍ଏସ୍: ଚଳିତବର୍ଷ କରୋନା କଟକଣା ଯୋଗୁଁ ଝାରସୁଗୁଡା ଜିଲ୍ଲାରେ ନୂଆଁଖାଇକୁ ନିରାଡମ୍ବର ଭାବରେ ପାଳନ କରାଯାଇଛି। ମା ସମଲେଇଙ୍କ ନିକଟରେ ନବାନ୍ନ ଲାଗି ହେଲାପରେ ଜିଲ୍ଲାବାସୀ ନବାନ୍ନ ଭୋଜନ କରିଥିଲେ। କରୋନା ପାଇଁ କେତେକ ସ୍ଥାନରେ ଅନେକ ପରିବାର ନୂଆ ଅନ୍ନ ଖାଇ ନଥିବାବେଳେ ଅନେକ ନିଜ ପରିବାରର କିଛି ସଦସ୍ୟଙ୍କ ଅନୁଉପସ୍ଥିତିରେ ନୂଆଁଖାଇ ପାଳନ କରିଛନ୍ତି। ନୂଆଁଖାଇ ଦିନ ପଶ୍ଚିମ ଓଡିଶାବାସୀ ଯେ ଯେଉଁସ୍ଥାନରେ ଥିଲେ ମଧ୍ୟ ଘରକୁ ଫେରିଥାଆନ୍ତି। ପରିବାରର ସମସ୍ତେ ଏକତ୍ର ନବାନ୍ନ ଖାଇଥାନ୍ତି। କରୋନା ଯୋଗୁଁ ଅନେକ ପରିବାର ଏକାଠି ହୋଇପାରି ନାହାଁନ୍ତି।
