ନୂଆଦିଲ୍ଲୀ,ଏଜେନ୍ସି: ମହାନ ଶାସ୍ତ୍ରୀୟ ଗାୟକ ପଣ୍ଡିତ ଯଶରାଜଙ୍କର ଆଜି ଆମେରିକାର ନ୍ୟୁଉଜର୍ସିରେ ପରଲୋକ ହୋଇଛି। ମୃତ୍ୟୁ ବେଳକୁ ତାଙ୍କୁ ୯୦ ବର୍ଷ ବୟସ ହୋଇଥିଲା। ତାଙ୍କ ସଙ୍ଗୀତ ପ୍ରତିଭା କେବଳ ଦେଶ ନୁହେଁ ବିଦେଶରେ ମଧ୍ୟ ଖୁବ୍ ଲୋକପ୍ରିୟତା ଅର୍ଜନ କରିଥିଲା। ୧୯୩୦ ଜାନୁଆରୀ ୨୮ରେ ହରିୟାଣାର ହିସାରରେ ଜନ୍ମଗ୍ରହଣ କରିଥିବା ପଣ୍ଡିତ ଯଶରାଜଙ୍କ ପରିବାରର ଚାରିପିଢି ଶାସ୍ତ୍ରୀୟ ସଙ୍ଗୀତ ପରମ୍ପରାକୁ ବଜାୟ ରଖିବା ସହ ଏହାକୁ ଖୁବ୍ ଲୋକପ୍ରିୟ କରିପାରିଥିଲେ। ତାଙ୍କ ବିୟୋଗରେ ସାରା ବିଶ୍ୱରେ ତାଙ୍କର ଅନୁଗାମୀମାନଙ୍କ ମହଲରେ ଶୋକର ଛାୟା ଖେଳିଯାଇଛି।
