ନିତିଦିନ ବ୍ରହ୍ମପୁର ସଂସ୍କରଣର ୩ୟ ସ୍ଵନକ୍ଷତ୍ର ଦିବସ ପାଳିତ

ବରହ୍ମପୁର,ଏନ୍ଏନ୍ଏସ୍: ନିତିଦିନ ବ୍ରହ୍ମପୁର ସଂସ୍କରଣର ୩ୟ ସ୍ଵନକ୍ଷତ୍ର ଦିବସ ରବିବାର ପାଳିତ ହୋଇଯାଇଛି। ଏହି ଅବସରରେ ଏମକେସିଜି ମେଡିକାଲ କଲେଜ ମୁଖ୍ୟ ଫାଟକ ସମ୍ମୁଖରେ ଏକ ଭବ୍ୟ ଉତ୍ସବ ସହ ସଚେତନତା କାର୍ୟ୍ୟକ୍ରମ ହୋଇଯାଇଛି।

ଏଥିରେ ମୁଖ୍ୟଅତିଥି ଭାବେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ, ସମ୍ମାନିତ ଅତିଥି ଭାବେ ବିଧାୟକ ବିକ୍ରମ ପଣ୍ଡା, ଗଞ୍ଜାମ ଏଆରଟିଓ ପ୍ରମୁଖ ଯୋଗଦେଇ ନିତିଦିନର ଉତ୍ତରୋତ୍ତୋର ଉନ୍ନତି କାମନା କରିବା ସହ ଏଭଳି ଟ୍ରାଫିକ ଓ ପରିବେଶ ସୁରକ୍ଷା ପାଇଁ ସଚେତନତା କାର୍ୟ୍ୟକ୍ରମର ପ୍ରଶଂସା କରିଥିଲେ। ଏହି ପରିପ୍ରେକ୍ଷୀରେ ନିତିଦିନର ମହାପ୍ରବନ୍ଧକ ସୁବ୍ରତ ଦାସ ଯୋଗଦେଇ କାର୍ୟ୍ୟକ୍ରମ ସମ୍ପର୍କରେ ସୂଚନା ଦେବା ସହ ପାଠକଙ୍କୁ ସାଧୁବାଦ ଦେଇଥିଲେ।

ସଂସ୍କରଣ ମୁଖ୍ୟ ଜଗନମୋହନ ମହାପାତ୍ର ଅଧ୍ୟକ୍ଷତା କରିଥିବାବେଳେ ଚିରଞ୍ଜିତ ରାଜଗୁରୁ, ନାଗରାଜୁ, ଦୀପକ ପଣ୍ଡା, ଗୋପାଳ ରେଡ୍ଡୀ, ସୁବ୍ରତ ସାହୁ, ସୁଜିତ, ସନ୍ତୋଷ, ଗୌରୀ ପ୍ରମୁଖ କର୍ମଚାରୀ ପରିଚାଳନା କରିଥିଲେ। ସୁଧୀର ରାଉତ, ଦେବେଶ ସାମନ୍ତରାୟ, ଶକ୍ତିଧର ରାଜଗୁରୁ ମଂଚସୀନ ଥିଲେ। ଟିମ କ୍ଲିନ ସିଟି, ଗଞ୍ଜାମ ଜିଲ୍ଲା ବିକାଶ ମଞ୍ଚ କର୍ମକର୍ତ୍ତା ସହଯୋଗ କରିଥିଲେ। ଏହି ଅବସରରେ ୧୦୦ ଛାତ୍ରଛାତ୍ରୀଙ୍କ ଏକ ସାଇକେଲ ଶୋଭାଯାତ୍ରା ନଗର ପରିକ୍ରମା କରିଥିଲା।