ନୂଆଦିଲ୍ଲୀ: ହିଟମ୍ୟାନ୍ ରୋହିତ ଶର୍ମା ଭାରତୀୟ ଦିନିକିଆ ଟିମର ନୂଆ ଅଧିନାୟକ ହୋଇଛନ୍ତି। ରୋହିତ ଏବେ ଦିନିକିଆ ଓ ଟ୍ୱି-ଟ୍ୱୋଣ୍ଟି ମ୍ୟାଚର ଅଧିନାୟକ ଭାର ସମ୍ଭାଳିବେ। କିନ୍ତୁ ବିରାଟ କୋହଲୀ ଟେଷ୍ଟ ମ୍ୟାଚରେ ଅଧିନାୟକତ୍ୱ କରିବେ। ଏଭଳି ସ୍ଥିତିରେ ବିରାଟଙ୍କୁ ନେଇ ନୂଆ ଅଧିନାୟକ ରୋହିତ ଏକ ବଡ଼ ବୟାନ ଦେଇଛନ୍ତି।
ବିରାଟ କୋହଲୀଙ୍କ ପ୍ରଶଂସାରେ ରୋହିତ ଶର୍ମା କହିଛନ୍ତି ଯେ, କୋହଲୀ ଏବେ ବି ଟିମର ଲିଡର। ବିରାଟ କୋହଲୀଙ୍କ ଆଭରେଜ ଓ ରନ୍ ଦେଖି ଅନୁମାନ କରାଯାଇପାରିବ କି ସେ ଦଳ ପାଇଁ କେତେ ଗୁରୁତ୍ୱପୂର୍ଣ୍ଣ ଖେଳାଳି। ଆପଣ କୌଣସି ବି ପରିସ୍ଥିତିରେ କୋହଲୀଙ୍କୁ ଛାଡ଼ିବାକୁ ଚାହିଁବେନି। କାରଣ ତାଙ୍କର ଏକ ଲମ୍ବା ଅନୁଭବ ରହିଛି। ଏଥିସହିତ ସେ ବହୁବାର ଦଳକୁ କଠିନ ପରିସ୍ଥିତିରୁ ବାହାର କରିବାରେ ପ୍ରମୁଖ ଭୂମିକା ନିର୍ବାହ କରିଛନ୍ତି।
