ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗୀର ଜିଲ୍ଲା ସଇଁନ୍ତଲା ବ୍ଲକ ବେଲଗାଁ ପଞ୍ଚାୟତରେ ସାମାଜିକ ଅନୁଷ୍ଠାନ ବିଙ୍ଗ ହ୍ୟୁମାନ ଫାଉଣ୍ଡେସନର ଏକ ନୂତନ ଶାଖା ଶୁଭାରମ୍ଭ କରାଯାଇଛି । ଇଳାଇସ ମହମ୍ମଦଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ଅନୁଷ୍ଠାନର ପ୍ରତିଷ୍ଠାତା ସୋମନାଥ ମିଶ୍ର ମୁଖ୍ୟ ଅତିଥିଭାବେ ଯୋଗ ଦେଇଥିଲେ । ଏହାସହ ସ୍ଥାନୀୟ ସମିତି ସଭ୍ୟା ଆରତୀ ସେଠ, ନିଲୁ ମହାନନ୍ଦ, ସୁନୀଲ ଜୈନ, ବିକି ନାଗ, ଦାଉଦ ମହମ୍ମଦ, ହେମାକାନ୍ତ ଜାଣି, ନିହାର ବେହେରା ଓ ବୁଦ୍ଧଦେବ ସାହୁ ପ୍ରମୁଖ ମଞ୍ଚସୀନ ଥିଲେ । ସଇଁନ୍ତଲା ବ୍ଲକ କୋଣଅନୁକୋଣରେ ଅନୁଷ୍ଠାନ ଅସହାୟ ମୁହଁରେ ହସ ଫୁଟେଇବ ବୋଲି ଅତିଥିମାନେ ବକ୍ତବ୍ୟ ରଖିଥିଲେ । ଏହାସହ ପ୍ରାୟ ୫୦ଜଣ ବୃଦ୍ଧଙ୍କୁ କମ୍ବଳ ବଣ୍ଟନ କରାଯାଇଥିଲା । ଏହି କାର୍ଯ୍ୟକ୍ରମରେ ବିଙ୍ଗ ହ୍ୟୁମାନର ଧରବିନ ନାଗ, ଆଲୋକ ନାୟକ, ସନ୍ତୋଷ ନାୟକ, କ୍ରିଷ୍ଣା ନନ୍ଦ, ଗୌରବ ମହାନନ୍ଦ, ସରୋଜ ନାୟକ ଓ ଗୋବିନ୍ଦ ବାଗଙ୍କ ସମେତ ଶତାଧିକ ସଦସ୍ୟ ଉପସ୍ଥିତ ଥିଲେ ।
