ମୁମ୍ବାଇ: ମୁମ୍ବାଇ କ୍ରୁଜ ଡ୍ରଗ୍ସ ମାମଲାରେ ଏନସିବି ଶାହରୁଖ ଖାନଙ୍କ ପୁଅ ଆର୍ୟ୍ୟନ ଖାନଙ୍କ ଡ୍ରାଇଭରକୁ ଜେରା କରୁଛି। ଆର୍ୟ୍ୟନ ଓ ଅରବାଜ ମର୍ଚ୍ଚେଣ୍ଟଙ୍କ ସହ ତାଙ୍କ ଡ୍ରାଇଭର କ୍ରୁଜ ଟର୍ମିନାଲ ପର୍ଯ୍ୟନ୍ତ ଆସିଥିବା ଏନସିବି କହିଛି। ଏବେ ଏହାକୁ ପ୍ରମାଣ କରିବା ପାଇଁ ଡ୍ରାଇଭରଙ୍କୁ ସମନ ପଠାଇ ଏନସିବି ଜେରା କରୁଥିବା ସୂଚନା ମିଳିଛି।
ସୂଚନାଯୋଗ୍ୟ, ଡ୍ରଗ୍ସ ମାମଲାରେ ଫସିଥିବା ଆର୍ୟ୍ୟନଙ୍କ ଜାମିନ ଆବେଦନ କାଲି ଖାରଜ ହୋଇଯାଇଛି। ଫଳରେ ଆର୍ୟ୍ୟନଙ୍କୁ ଆର୍ଥୋର ରୋଡ ଜେଲରେ ରହିବାକୁ ପଡ଼ିଛି। ଆଉ ଜେଲରେ ଆର୍ୟ୍ୟନଙ୍କୁ କୌଣସି ପ୍ରକାର ବିଶେଷ ସୁବିଧା ନଦେବାକୁ କୋର୍ଟ ଆଦେଶ ଦେଇଛନ୍ତି।
