ମୁମ୍ବାଇ: ମୁମ୍ବାଇ କ୍ରୁଜ ଡ୍ରଗ୍ସ ପାର୍ଟି ମାମଲାରେ ଆଜି ଏନସିବି ଅଭିନେତା ଶାହରୁଖ ଖାନଙ୍କ ଘର ‘ମନ୍ନତ’ରେ ପହଂଚିଛି। ଏନସିବି ବରିଷ୍ଠ ଅଧିକାରୀ ବୀବୀ ସିଂହ ତାଙ୍କ ଟିମ୍ ସହ ପାଖାପାଖି ଅପରାହ୍ନ ୧ଟା ବେଳେ ମନ୍ନତରେ ପହଂଚି କିଛି ସମୟ ପରେ ସେଠାରୁ ପଳାଇ ଆସିଥିଲେ। କିନ୍ତୁ ଏନସିବି କୌଣସି ରେଡ୍ ନୁହେଁ ବରଂ କିଛି କାଗଜପତ୍ର ପାଇଁ ଶାହରୁଖଙ୍କ ଘରେ ପହଂଚିଥିଲା।
ସୂଚନାଯୋଗ୍ୟ, ଶାହରୁଖଙ୍କ ପୁଅ ଆର୍ୟ୍ୟନ ଏବେ ଉକ୍ତ ମାମଲାରେ ମୁମ୍ବାଇର ଆର୍ଥୋର ରୋଡ ଜେଲରେ ଅଛନ୍ତି। ସେଥିପାଇଁ ଆଜି ସକାଳେ ପୁଅକୁ ଭେଟିବା ପାଇଁ ଶାହରୁଖ ଜେଲରେ ପହଂଚିଥିଲେ। ସେଠାରେ ପାଖାପାଖି ୧୫ ମିନିଟ ରହିବା ପରେ ଶାହରୁଖ ଘରକୁ ଫେରିଥିଲେ। ଅନ୍ୟପଟେ ଆର୍ୟ୍ୟନଙ୍କ ଜାମିନ ଆବେଦନର ଶୁଣାଣୀ ଆସନ୍ତା ମଙ୍ଗଳବାର ହେବ ବୋଲି ସୂଚନା ମିଳିଛି।
