ଛତିଶଗଡ଼,ଏଜେନ୍ସି: ଛତିଶଗଡ଼ର ଦାନ୍ତେୱାଡା ଓ ନାରାୟଣପୁରରେ ମାଓବାଦୀ ମାନେ ପ୍ରଧାନମନ୍ତ୍ରୀ ସଡ଼କ ଯୋଜନାରେ ନିୟୋଜିତ ହୋଇଥିବା ୬ଟି ଗାଡ଼ିକୁ ପୋଡ଼ି ଦେଇଛନ୍ତି।
ସୂଚନା ଅନୁସାରେ ମାଓବାଦୀମାନେ ୪ଟି ଟ୍ରାକ୍ଟର, ଗୋଟିଏ ଜେସିବି ଏବଂ ଗୋଟିଏ ମୋଟର ସାଇକେଲରେ ନିଆଁ ଲଗାଇ ପୋଡ଼ି ଦେଇଛନ୍ତି । ସେଠାରେ କାମ କରୁଥିବା ଶ୍ରମିକମାନଙ୍କୁ ଧମକ ଦେବାରୁ ସେମାନଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି। ରାୟଣପୁରର ମଢ଼ୋନାର ଗାଁରେ ଏଭଳି କାଣ୍ଡ ଘଟାଇଛନ୍ତି।
ଏହି ସମସ୍ତ ଗାଡି ପ୍ରଧାନମନ୍ତ୍ରୀ ଗ୍ରାମ ସଡକ ନିର୍ମାଣରେ ନିୟୋଜିତ ହୋଇଥିଲା । ପୁନଶ୍ଚ ରାସ୍ତାକାମ ନ କରିବା ପାଇଁ ସେମାନେ ଶ୍ରମିକମାନଙ୍କୁ ଧମକ ଦେଇଛନ୍ତି। ଏତତ୍ ବ୍ୟତୀତ ଜାତୀୟ ଖଣିଜ ବିକାଶ ନିଗମର ଏକ କୋଠାରେ ସେମାନେ ନିଆଁ ଲଗାଇ ଦେଇଛନ୍ତି ।
