ଉତ୍ତରପ୍ରଦେଶ: କଂଗ୍ରେସ ନେତା ନଭଜୋତ ସିଂହ ସିଦ୍ଧୁ ଅନଶନ ଭାଙ୍ଗିଛନ୍ତି। ଲଖିମପୁର ହିଂସାରେ ପ୍ରାଣ ହରାଇଥିବା କୃଷକ ଓ ସାମ୍ବାଦିକ ରମନ କଶ୍ୟପଙ୍କ ପରିବାରକୁ ଭେଟିବା ପାଇଁ ସିଦ୍ଧୁ ଲଖିମପୁର ପହଂଚିଥିଲେ। ଏହି ସାକ୍ଷାତ ପରେ ସିଦ୍ଧୁ ସାମ୍ବାଦିକ ରମନ କଶ୍ୟପଙ୍କ ଘରେ ଧାରଣାରେ ବସିବା ସହ ମୌନବ୍ରତ କରିଥିଲେ। ଯେପର୍ଯ୍ୟନ୍ତ କେନ୍ଦ୍ର ଗୃହ ରାଜ୍ୟମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରା ଗିରଫ ହୋଇନାହାନ୍ତି ସେପର୍ଯ୍ୟନ୍ତ ମୁଁ ଅନଶନରେ ବସିବି ବୋଲି ସିଦ୍ଧୁ କହିଥିଲେ। ଏହି ପରିପ୍ରେକ୍ଷୀରେ ଆଜି ଯାଞ୍ଚ ପାଇଁ ଆଶିଷ ମିଶ୍ରା କ୍ରାଇମବ୍ରାଞ୍ଚ ଅଫିସରେ ପହଂଚିବା ପରେ ସିଦ୍ଧୁ ଅନଶନ ଶେଷ କରିଛନ୍ତି।
