ବାରଙ୍ଗ,ଏଜେନ୍ସି: ନନ୍ଦନକାନନରେ ବାଘ ଛୁଆ ରକି ଅସୁସ୍ଥ। ୧୨ ମାସର ବାଘ ଛୁଆ ରକି ହଠାତ ଅସୁସ୍ଥ ହୋଇପଡିଛି। ଗତ ଦୁଇ ଦିନ ହେଲା ରକିକୁ ତରଳ ଝାଡା ହେଉଥିଲା। ଫଳରେ ରକି ଅଧିକ ଦୁର୍ବଳ ହୋଇ ପଡିଛି।
ଅସୁସ୍ଥତା କାରଣରୁ ରକିକୁ ଖୁଆଡରୁ ବାହାର କରି ଏକ ସ୍ୱତନ୍ତ୍ର କୋଠରୀରେ ରଖାଯାଇ ଚିକିତ୍ସା କରାଯାଉଛି। ସାଲାଇନ ସହିତ ଆଣ୍ଟିବାୟୋଟିକ୍ ମେଡିସିନ ମଧ୍ୟ ଦିଆଯାଉଛି। ୨୦୨୧ ମାର୍ଚ୍ଚ ୨୮ ତରିଖରେ ବାଘ ଛୁଆ ରକି ଜନ୍ମ ହୋଇଥିଲା। ଧଲା ବାଘୁଣୀ ବିଜୟା ପାଖରୁ ରକି ସହିତ ରାକେଶ ଓ ବଂଶି ନାମକ ଦୁଇଟି ବାଘ ଶାବକ ଜନ୍ମ ଦେଇଥିଲା।
ହେଲେ ଗତ ୨୦୨୧ ମସିହା ସେପ୍ଟେମ୍ବର ମାସରେ ବଂଶି ଅଜଣା ରୋଗରେ ପୀଡିତ ହୋଇ ମୃତ୍ୟୁ ହୋଇଥିଲା। ଏବେ ରକିର ଅସୁସ୍ଥତା ନେଇ କର୍ତ୍ତୃପକ୍ଷଙ୍କ ଚିନ୍ତା ବଢିବାରେ ଲାଗିଛି।
