ନବରଙ୍ଗପୁର ସାଂସଦଙ୍କ ବାଲିମେଳା ଗସ୍ତ

କୋରୁକୋଣ୍ଡା,ଏନ୍ଏନ୍ଏସ୍ : ମାଲକାନଗିରି ଜିଲ୍ଲା ବାଲିମେଳା ବିଜ୍ଞାପିତ ଅଞ୍ଚଳ ପରିଷଦକୁ ମାନ୍ୟବର ସାଂସଦ ରମେଶ ଚନ୍ଦ୍ର ମାଝୀ ଗସ୍ତ କରିଥିଲେ। ଏହି ପରିପ୍ରେକ୍ଷୀରେ ବାଲିମେଳା ନଗର ବିଜେଡି ତରଫରୁ ଏକ କର୍ମୀ ସମ୍ମିଳନୀର ଆୟୋଜନ କରାଯାଇଥିଲା, ସେ ସେଠାରେ ଯୋଗ ଦେଇଥିଲେ। ଆଜି ଶ୍ରୀ ଅରୋବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ବିଦ୍ୟାଳୟର ବାର୍ଷିକ କ୍ରୀଡା ଉତ୍ସବରେ ଯୋଗ ଦେଇଥିଲେ। ସେ ସେଠାରେ ଦ୍ବୀପ ପ୍ରଜ୍ବଳନ କରିବା ସହ କୁନି କୁନି ପିଲାଙ୍କୁ ଖେଳିବା ନିମନ୍ତେ ଉତ୍ସାହିତ କରିଥିଲେ।

ପରେ ସେ ବାଲିମେଳା ଏନଏସିର ୮ ନମ୍ବର ୱାର୍ଡ କୁ ଯାଇ ଲୋକଙ୍କ ଘର ଘର ବୁଲି ବିଭିନ୍ନ ସମସ୍ୟା ପଚାରି ବୁଝିଥିଲେ। ଏହି ସମୟରେ ସ୍ଥାନୀୟ ଏନଏସିର କାର୍ୟ୍ୟ ନିର୍ବାହୀ ଅଧିକାରୀ କୃଷ୍ଣଚନ୍ଦ୍ର ରଥ ଉପସ୍ଥିତ ଥିଲେ। ଏହା ସମେତ ୱାର୍ଡ କାଉନସିଲର ପ୍ରମିଳା ମହାପାତ୍ର ଏବଂ ବିଜେଡି କର୍ମୀ ରାଜେନ୍ଦ୍ର ପଣ୍ଡା, ପୂର୍ଣ୍ଣ ଭାତ୍ରା , ମଙ୍ଗଳା ପାଙ୍ଗି, ସନ୍ତୋଷ ଖେମୁଣ୍ଡୁ, ରଞ୍ଜନ ମହାରଣା ଏବଂ ଲଡୁ କିଶୋର ପାଣିଗ୍ରାହୀଙ୍କ ସମେତ ଅନ୍ୟ କର୍ମୀମାନେ ଉପସ୍ଥିତ ଥିଲେ। ତେବେ ଆଗାମୀ ଦିନରେ ମଧ୍ୟ ସେ ଏହିପରି ବାଲିମେଳା ନଗରବାସୀଙ୍କ ସମସ୍ୟାର ସମାଧାନ କରିବେ ବୋଲି ପ୍ରତିଶ୍ରୁତି ଦେଇଛନ୍ତି।