ନବରଙ୍ଗପୁର,ଏନ୍ଏନ୍ଏସ୍: କେରଳର କନ୍ନୁର ସହରର ମୁଣ୍ଡାୟଡ୍ ଇନଡୋର ଷ୍ଟାଡିୟମରେ ଅନୁଷ୍ଠିତ ୩୪ତମ ସର୍ବ ଭାରତୀୟ ଆମନ୍ତ୍ରଣୀୟ କରାଟେ ଓ କବୁଡୋ ପ୍ରତିଯୋଗିତା ୨୦୨୨ରେ ଅଂଶ ଗ୍ରହଣ କରି ଓଡ଼ିଶା ୟୁଚିରୀୟୋ କରାଟେ ଦଳ ମେ’ ୨୦ରୁ ୨୧ ତାରିଖ ପର୍ଯ୍ୟନ୍ତ ଓଡ଼ିଶା ମୁଖ୍ୟ ସେନସେଇ ଶରତ କୁମାର ରାଉତଙ୍କ ତତ୍ତ୍ୱାବଧାନରେ ୟୁଚିରୀୟୋ କରାଟେ ଓ କବୁଡୋର ବିଭିନ୍ନ ଇଭେଣ୍ଟରେ ୧୧ ଜଣିଆ ଦଳ ଉକ୍ତ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ଏଥିରେ ନବରଙ୍ଗପୁରର ଆନ୍ତର୍ଜାତୀୟ କରାଟେ କ୍ରୀଡାବିତ୍ ଓ ପଦକ ବିଜେତା ସନ୍ଦୀପ କୁମାର ରାଉତ ବୟସ ୧୨ କବୁଡୋର ବ୍ଲାକ ବେଲ୍ଟ ବର୍ଗରେ ସାଇ ଓ ବୋ କାତା ଇଭେଣ୍ଟରେ ଭାଗ ନେଇ ୨ଟି ସ୍ୱର୍ଣ୍ଣ ପଦକ ଜିତିଥିବାବେଳେ ୧୫ ବର୍ଷ ବର୍ଗରେ ସଂଗୀତା ରାଉତ ୨ଟି ସ୍ୱର୍ଣ୍ଣ ପଦକ ହାସଲ କରିଛନ୍ତି । ୧୧ ବର୍ଷ ବୟସ ବର୍ଗରେ ଆଦର୍ଶ କୁମାର ବେହେରା ଗୋଟିଏ ସ୍ୱର୍ଣ୍ଣ ଓ ବ୍ୟକ୍ତିଗତ କବୁଡୋ କାତା ଇଭେଣ୍ଟରେ ଗୋଟିଏ ସ୍ୱର୍ଣ୍ଣ, ବ୍ୟକ୍ତିଗତ କୁମିଟି ଇଭେଣ୍ଟରେ ଗୋଟିଏ ରୌପ୍ୟ ଏବଂ ଦଳଗତ କାଟାରେ ଗୋଟିଏ ରୌପ୍ୟ ପଦକ ହାସଲ କରିଛନ୍ତି ।୧୩ ବର୍ଷ ବୟସ ବର୍ଗରେ ପି.ସୋହାନ କୁମାର ବ୍ୟକ୍ତିଗତ କାତା ଇଭେଣ୍ଟରେ ଗୋଟିଏ ସ୍ୱର୍ଣ୍ଣ ଓ ବ୍ୟକ୍ତିଗତ କବୁଡୋ କାତା ଇଭେଣ୍ଟରେ ଗୋଟିଏ ରୌପ୍ୟ ପଦକ ହାସଲ କରିଥିବା ବଳେ ୧୩ ବର୍ଷ ବର୍ଗରେ ମାଈନୋ ମାରନ୍ଡ ବ୍ୟକ୍ତିଗତ କାତା ଇଭେଣ୍ଟରେ ଗୋଟିଏ ସ୍ୱର୍ଣ୍ଣ, ବ୍ୟକ୍ତିଗତ କବୁଡୋ କାତା ଇଭେଣ୍ଟରେ ଗୋଟିଏ ସ୍ୱର୍ଣ୍ଣ ଓ ଦଳଗତ କୁମିଟି ଇଭେଣ୍ଟରେ ଗୋଟିଏ ସ୍ୱର୍ଣ୍ଣ ପଦକ ହାସଲ କରିଛନ୍ତି। ୮ବର୍ଷ ବୟସ ବର୍ଗରେ ଆଶୁତୋଷ କୁମାର ବେହେରା ବ୍ୟକ୍ତିଗତ କାତା ଇଭେଣ୍ଟରେ ଗୋଟିଏ ସ୍ୱର୍ଣ୍ଣ ଓ ବ୍ୟକ୍ତିଗତ କବୁଡୋ କାତା ଇଭେଣ୍ଟରେ ଗୋଟିଏ ବ୍ରୋଞ୍ଜ ପଦକ ହାସଲ କରିଛନ୍ତି ।
ଉକ୍ର ଟୁର୍ଣାମେଣ୍ଟରେ ଓଡ଼ିଶା ଦଳର ଟିମ୍ ମ୍ୟାନେଜର ଭାବେ ନିବେଦିତା ପଟ୍ଟନାୟକ ଅଂଶଗ୍ରହଣ କରିଥିବାବେଳେ ଫିଜିଓ ଥେରାପିଷ୍ଟ ଭାବେ ସୁରଭୀ ଜାନୀ ଓ ପି କଳ୍ପନା, କାଉନସିଲର ଭାବେ ହିରାମଣୀ ମାରାଣ୍ଡି ଓ ଦଳର ସଂଯୋଜକ ଭାବେ ରାମରାୟ ମାରାଣ୍ଡି ଓ ଅଶୋକ କୁମାର ବେହେରା ଦାୟିତ୍ୱ ତୁଲାଇଥିଲେ । ୫୫୦ରୁ ଊର୍ଦ୍ଧ୍ୱ ପ୍ରତିଯୋଗୀ ବିଭିନ୍ନ ରାଜ୍ୟରୁ ଆସି ଉକ୍ତ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ଏହି ପ୍ରତିଯୋଗିତାରେ ନବରଙ୍ଗପୁର ଏସିଆନ କରାଟେ ଅନୁଷ୍ଠାନର ଖେଳାଳି ମାନେ ୧୦ଟି ସ୍ୱର୍ଣ, ୪ଟି ରୈପ୍ୟ ଓ ଗୋଟିଏ ବ୍ରୋଞ୍ଜ ପଦକ ହାସଲ କରି ନବରଙ୍ଗପୁର ଜିଲ୍ଲାକୁ ଗୌରବ ଆଣିପାରିଛନ୍ତି । ଏହି ଖବର ପ୍ରସାରିତ ହେବା ପରେ ଜିଲ୍ଲା କ୍ରୀଡ଼ା ସଂଘର ସହସମ୍ପାଦକ ତଥା ଏସିଆନ କରାଟେ ବିଦ୍ୟାଳୟର ଉପଦେଷ୍ଟା ମନୋଜ କୁମାର ପଟ୍ଟନାୟକଙ୍କ ସମେତ ଜିଲ୍ଲାର କ୍ରୀଡ଼ାବିତ ଶୁଭେଛା ଜଣାଇଛନ୍ତି ।
