ଖୋର୍ଦ୍ଧା,ଏନ୍ଏନ୍ଏସ୍: ୧୬ ନଂ ଜାତୀୟ ରାଜପଥ ବାଇପାସ କଡ଼ରେ ଥିବା କ୍ରିଷ୍ଣା ବାର ନିକଟରେ ଛୁରାମାଡରେ ଉକ୍ତ ବାର୍ ର ଜଣେ କର୍ମଚାରୀଙ୍କ ମୃତ୍ୟୁ ହୋଇଛି। ମୃତ ଯୁବକ ଜଣକ ଖୋର୍ଦ୍ଧା ଉପର ସାହିର ଅମୀୟ ବାରିକ ଓରଫ ଅଜୁ(୩୬) ବୋଲି ଜଣାପଡିଛି। ଘଟଣାସ୍ଥଳରେ ଖୋର୍ଦ୍ଧା ଟାଉନ ଥାନା ପୁଲିସ ପହଞ୍ଚି ସିସିଟିଭି ଫୁଟେଜ ଆଧାରରେ ତଦନ୍ତ ଜାରି ରଖିଥିବାବେଳେ ଛୁରାମାଡ଼ର କାରଣ ଅସ୍ପଷ୍ଟ ରହିଛି । ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ ପଇସା ନେଣଦେଣକୁ ନେଇ ଏଭଳି କାଣ୍ଡ ହୋଇଛି। ତେବେ ଘଟଣାସ୍ଥଳରେ ଚପଲ, ରକ୍ତ ଭିଜା ଗାମୁଛା ପଡ଼ିରହିଛି। ହତ୍ୟାକାରୀମାନେ ଫେରାର ହୋଇଯାଇଛନ୍ତି।
