ଦେବଗଡ଼,ଏନ୍ଏନ୍ଏସ୍: ବିଜେଡି ନଗର ସଭାପତି ଶୁକଦେବ ଭଞ୍ଜଙ୍କ ଆବାହକତ୍ୱ ଓ ପୌରାଧ୍ୟକ୍ଷା ଶାନ୍ତିମଞ୍ଜରୀ ଦେଈଙ୍କ ସଭାପତିତ୍ୱରେ ବିଜେଡି ଜିଲ୍ଲା କାର୍ଯ୍ୟାଳୟରେ ନୂତନ ଭାବେ ମନୋନୀତ ଜିଲ୍ଲା ସଭାପତି ଇଂ. ଚିତ୍ତରଞ୍ଜନ ପ୍ରଧାନଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ଜିଲ୍ଲା ସଭାପତି ଶ୍ରୀଯୁକ୍ତ ପ୍ରଧାନ ସାଙ୍ଗଠନିକ ସ୍ତରରେ ପୌରାଞ୍ଚଳରେ ବିଜେଡିକୁ ସୁଦୃଢ଼ କରାଯିବା ନିମନ୍ତେ ଆଗାମୀ ଦିନରେ ନୂତନ କାର୍ଯ୍ୟପନ୍ଥା ଉପରେ ଗୁରୁତ୍ୱାରୋପ କରିଥିଲେ । ଉକ୍ତ କାର୍ଯ୍ୟକ୍ରମରେ ପୌର ପରିଷଦର ପାରିଷଦ ପ୍ରମିଳା ବେହେରା, ସଂଯୁକ୍ତା ଆଚାର୍ଯ୍ୟ, ବାସନ୍ତୀ ମଣି ମାଝୀ, ପିକୁନ ଯତୀନ, ସମ୍ବଲପୁର ସମବାୟ ବ୍ୟାଙ୍କର ଅଧ୍ୟକ୍ଷ ଅମରେନ୍ଦ୍ର ଗଙ୍ଗଦେବ, ନଗର ମହିଳା ସଭାପତି ଭୁବନେଶ୍ୱରୀ ସାହୁ, ଛାତ୍ର ନଗର ସଭାପତି ଦୁଷ୍ମନ୍ତ ସାହୁ, ବରିଷ୍ଠ କର୍ମୀ ବିଭୁତି ଗଙ୍ଗଦେବ, କାମାକ୍ଷା ଗଙ୍ଗଦେବ, ପ୍ରଦୀପ ଅମାନ୍ତ ଓ ବିକାଶ ପ୍ରଧାନଙ୍କ ସମତେ ପୌରାଞ୍ଚଳର ସମସ୍ତ ୱାର୍ଡର ଶତାଧିକ କର୍ମୀ ଉପସ୍ଥିତ ଥିଲେ ।
