ନୂଆଦିଲ୍ଲୀ: ପାକିସ୍ତାନ ଛାଡ଼ି ଭାରତ ଆସିଥିବା ସୀମା ଗୁଲାମ ହାଇଦରକୁ ନେଇ ମୁମ୍ବାଇ ପୁଲିସକୁ ଧମକ ମିଳିଛି । କଣ୍ଟ୍ରୋଲ ରୁମକୁ ଗତକାଲି ଏକ ଧମକପୂର୍ଣ୍ଣ କଲ ଆସିଥିବା ନେଇ ମୁମ୍ବାଇ ପୁଲିସ କହିଛି । ପାକିସ୍ତାନୀ ନାଗରିକ ସୀମା ହାଇଦର ଯଦି ପାକିସ୍ତାନ ନ ଫେରନ୍ତି ତେବେ ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣ ପାଇଁ ପ୍ରସ୍ତୁତ ରୁହନ୍ତୁ ବୋଲି ଧମକ ମିଳିଛି । ମୁମ୍ବାଇ ପୁଲିସ ଓ କ୍ରାଇମ ବ୍ରାଞ୍ଚ ଉକ୍ତ ମାମଲାର ଯାଞ୍ଚ କରୁଛି ।
ସୂଚନାଯୋଗ୍ୟ, ପାକିସ୍ତାନୀ ମହିଳା ସୀମା ହାଇଦର ୟୁପିସ୍ଥିତ ନୋଏଡାରେ ରହୁଥିବା ସଚିନ ମୀଣାଙ୍କ ମଧ୍ୟରେ ଅନଲାଇମ ଗେମ୍ ପବଜୀ ଖେଳିବା ସମୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା । ଏହାପରେ ସୀମା ପାକିସ୍ତାନରୁ ଖସି ଆସି ନେପାଳ ରାସ୍ତାରେ ଭାରତ ପହଞ୍ଚିଥିଲେ ।
