ନବରଙ୍ଗପୁର,ଏନ୍ଏନ୍ଏସ୍: ସ୍ୱଚ୍ଛତା ଦିବସ ଏକ ଅଭିନବ ଢଙ୍ଗରେ ଡାବୁଗାଁ ବିଧାୟକ ମନୋହର ରନ୍ଧାରୀ ପାଳନ କରିଛନ୍ତି । ଯେଉଁମାନେ ଦୈନନ୍ଦିନ ସ୍ୱଚ୍ଛତା ଯୋଗାଇ ଆସୁଛନ୍ତି ସେମାନଙ୍କୁ ବିଧାୟକ ଶ୍ରୀ ରନ୍ଧାରୀ ଗୋଡ଼ ଧୋଇଦେବା ସହ ଉପଢ଼ୌକନ ଦେଇ ସମ୍ମାନିତ କରିଛନ୍ତି । ଏଭଳି ଏକ ଦୃଶ୍ୟ ନବରଙ୍ଗପୁର ଜିଲ୍ଲା ପାପଡ଼ାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଦେଖିବାକୁ ମିଳିଛି ।
ବିଧାୟକ ଶ୍ରୀ ରନ୍ଧାରୀ ଉକ୍ତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ସମସ୍ତ ସଫେଇ କର୍ମଚାରୀଙ୍କ ପାଦ ହଳଦି ପାଣିରେ ଧୋଇଦେଇ, ଗାମୁଛାରେ ପୋଛିବା ସହ ଉପଢ଼ୌକନ ଦେଇ ସମ୍ବର୍ଦ୍ଧନା କରିଛନ୍ତି । ଯେଉଁମାନେ ଆମ ସେବା କରୁଛନ୍ତି ସେମାନଙ୍କ ସୁସ୍ଥ ଓ ସୁରକ୍ଷିତ ଜୀବନଯାପନ କାମନା କରୁଛି ବୋଲି ଶ୍ରୀ ରନ୍ଧାରୀ କହିଛନ୍ତି । ଉକ୍ତ କାର୍ଯ୍ୟକ୍ରମରେ ବିଜେଡି ନେତା ତ୍ରିନାଥ ପ୍ରଧାନ, ଯୁବ ବିଜେଡି ସଭାପତି ଶିବାନନ୍ଦ ବିଷୋୟୀ, ଉମାକାନ୍ତ ବିଷୋୟୀଙ୍କ ସମେତ ବହୁ ନେତା, କର୍ମୀ ଓ ମେଡିକାଲ କର୍ମଚାରୀ ଉପସ୍ଥିତ ଥିଲେ ।
