କଟକ,ଏନ୍ଏନ୍ଏସ୍: ବିଶିଷ୍ଟ ଓଡ଼ିଶୀ ନୃତ୍ୟନାଟିକା ମିନତି ମିଶ୍ର ଆରପାରିରେ। ୯୦ ବର୍ଷ ବୟସରେ ସୁଇଜରଲ୍ୟାଣ୍ଡରେ ତାଙ୍କର ପରଲୋକ ହୋଇଯାଇଛି। ଏ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି।
ତାଙ୍କୁ ଭାରତ ସରକାରଙ୍କ ପକ୍ଷରୁ ୨୦୧୨ରେ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଥିଲା। ୧୯୬୪ ରୁ ୧୯୮୯ ପର୍ୟ୍ୟନ୍ତ ସେ ଉତ୍କଳ ସଙ୍ଗୀତ ମହାବିଦ୍ୟାଳୟର ଅଧ୍ୟକ୍ଷ ଭାବେ କାର୍ୟ୍ୟରତ ଥିଲେଫ ଡ. ଶ୍ରୀମତୀ ମିଶ୍ର ୫ ଟି ଚଳଚ୍ଚିତ୍ରରେ ଅଭିନୟ କରିଥିଲେ। ସୂର୍ୟ୍ୟମୁଖୀ, ଅରୁନ୍ଧତୀ, ଭାଇ ଭାଉଜ, ସାଧନା, ଜୀବନ ସାଥି ଚଳଚ୍ଚିତ୍ରରେ ଅଭିନୟ କରିଛନ୍ତି। ତାଙ୍କ ଅଭିନୀତ ଭାଇ ଭାଉଜ ଚଳଚ୍ଚିତ୍ର ଜାତୀୟ ପୁରସ୍କାର ପାଇଥିଲା। ଏହା ସହିତ ସେ ଅଲ୍ ଇଣ୍ଡିଆ ରେଡ଼ିଓରେ ଜଣେ ଗ୍ରେଡ ଏ ଅଭିନେତ୍ରୀ ଥିଲେ। ଡ. ମିଶ୍ର ଇଣ୍ଡୋଲୋଜି ଜର୍ମାନୀ ବିଶ୍ୱବିଦ୍ୟାଳୟରୁ ଡକ୍ଟରେଟ ହାସଲ କରିଥିଲେ।
