ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗୀର ଜିଲ୍ଲାରେ ଦିନକୁଦିନ କାଠ ଚୋରା ଚାଲାଣ ବଢ଼ିବାରେ ଲାଗିଛି । ଏଭଳି ସ୍ଥିତିରେ ସଇଁନ୍ତଲା ବନ ବିଭାଗ ଲକ୍ଷାଧିକ ଟଙ୍କାର କୁରୁଡୁ କାଠ ଓ ଟ୍ରକ ସହ ଡ୍ରାଇଭରକୁ ଧରିବାରେ ସଫଳତା ହାସଲ କରିଛି । ମିଳିଥିବା ରିପୋର୍ଟ ମୁତାବକ, ୩ଜଣ ରେଞ୍ଜର ଖବର ପାଇବା ପରେ ଟିକ୍ରାପଡ଼ା-କୁଡ଼ାସିଂହା ରାସ୍ତାଦେଇ ଯାଉଥିବା ଇଚର ଟ୍ରକ ଉପରେ ନଜର ରଖି ଚଢ଼ଉ କରିଥିଲେ । ପରେ ଲକ୍ଷାଧିକ ଟଙ୍କାର କୁରୁଡୁ କାଠ ଓ ଟ୍ରକ ସହ ଡ୍ରାଇଭରକୁ ଧରିଥିଲେ । ଡ୍ରାଇଭରକୁ ଅଟକ ରଖି ତଦନ୍ତ ଆରମ୍ଭ ହୋଇଥିବାବେଳେ ବଲାଙ୍ଗୀର ଡିଏଫଓ ଏହି ସଫଳତାକୁ ନେଇ ବନ ବିଭାଗ କର୍ମଚାରୀଙ୍କୁ ପ୍ରଶଂସା କରିଛନ୍ତି ।
