ମାଲକାନଗିରି,ଏନ୍ଏନ୍ଏସ୍: ମାଲକାନଗିରି ଜିଲ୍ଲା ମୋଟୁ ଥାନା ଆଇଆଇସି ସୁଶାନ୍ତ ସାହୁଙ୍କୁ ଭିଜିଲାନ୍ସ ଗିରଫ କରିଛି। ଏନେଇ ନିଜ ଟ୍ୱିଟର ହ୍ୟାଣ୍ଡେଲ ଜରିଆରେ ଭିଜିଲାନ୍ସ ସୂଚନା ଦେଇଛନ୍ତି। ମିଳିଥିବା ରିପୋର୍ଟ ମୁତାବକ, ଗତକାଲି ସୁଶାନ୍ତ ମୋଟୁରୁ ନିଜ ଘର ନଖରାକୁ ଆସୁଥିବା ବେଳେ ତାଙ୍କଠାରୁ ୨ଲକ୍ଷ ୮୦ହଜାର ଟଙ୍କା ମିଳିଥିଲା। ଖୋର୍ଦ୍ଧା ନିକଟରୁ ସୁଶାନ୍ତଙ୍କଠାରୁ ଭିଜିଲାନ୍ସ ଟଙ୍କା ଜବତ କରିଥିଲା। ସୁଶାନ୍ତଙ୍କ ଘର ଯାଞ୍ଚ କରିବା ବେଳକୁ ନିଜ ପତ୍ନୀଙ୍କ ନାଁରେ କିଣିଥିବା ଏକ ପ୍ଲଟର ସେଲଡିଡ୍ ଠାବ କରାଯାଇଥିଲା। ଏହି ସେଲଡିଡଟି ୨୫ଲକ୍ଷ ୯୦ହଜାରର ବୋଲି ଜଣାପଡ଼ିଛି।
