ମୁମ୍ବାଇ,ଏଜେନ୍ସି: ପ୍ରସିଦ୍ଧ ଗାୟିକା ଲତା ମଙ୍ଗେସକରଙ୍କ ଦକ୍ଷିଣ ମୁ୍ମ୍ବାଇସ୍ଥିତ ଚମ୍ବାଲା ହିଲସ୍ଥିତ ବାସସ୍ଥାନ ‘ପ୍ରଭୁକୁଞ୍ଜ’କୁ ବିଏମସି ପକ୍ଷରୁ ସିଲ କରିଦିଆଯାଇଛି। ତେବେ ଲତା ଏବଂ ତାଙ୍କ ପରିବାର ସମ୍ପୂର୍ଣ୍ଣ ସୁରକ୍ଷିତ ଅଛନ୍ତି। ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ଚାଲିଛି। ଦେଶର ରାଜ୍ୟମାନଙ୍କ ମଧ୍ୟରେ ମହାରାଷ୍ଟ୍ରରେ କରୋନା ଆକ୍ରାନ୍ତଙ୍କ ସଂଖ୍ୟା ସର୍ବାଧିକ ରହିଛି। ବହୁ ସେଲିବ୍ରିଟିଙ୍କ ପରିବାର ମଧ୍ୟ କରୋନା ଆକ୍ରାନ୍ତ ହେଉଥିବା ଦେଖାଯାଉଛି। ତେବେ ବିଶେଷ ଭାବରେ ବୟସ୍କ ଲୋକଙ୍କୁ କରୋନା ଅଧିକ ଆକ୍ରାନ୍ତ କରୁଥିବା ଏବଂ ସେମାନଙ୍କୁ ସତର୍କ ରହିବାକୁ କହୁଥିବା ଚିକିତ୍ସକମାନେ ମତପ୍ରକାଶ କରୁଛନ୍ତି। ଅନ୍ୟପଟେ ଲତା ମଙ୍ଗେସକରଙ୍କ ପରିବାରରେ ଅଧିକ ସଂଖ୍ୟାରେ ବୟସ୍କ ଲୋକ ରହୁଥିବାରୁ ଏହାକୁ ଦୃଷ୍ଟିରେ ରଖି ବିଏମସି ପକ୍ଷରୁ ତାଙ୍କ ବିଲ୍ଡିଂକୁ ସିଲ୍ କରାଯାଇଥିବା ଲତାଙ୍କ ପରିବାର ପକ୍ଷରୁ କୁହାଯାଇଛି।
