କୋରାପୁଟ,ଏନ୍ଏନ୍ଏସ୍: ଚଳିତ ବର୍ଷ ସର୍ବଭାରତୀୟ ଚାଟାର୍ଡ ଆକାଉଣ୍ଟାଣ୍ଟ ପରୀକ୍ଷାରେ କୋରାପୁଟର ସୁଦୀପ୍ତା ବେନିଆ ତୃତୀୟ ସ୍ଥାନ ହାସଲ କରିଥିବା ଜଣାପଡ଼ିଛି। କୋରାପୁଟସ୍ଥିତ ସ୍ୱାମୀ ବିବେକାନନ୍ଦ ବନ ଭାରତୀ ବିଦ୍ୟାପୀଠରେ ଦଶମ ଶ୍ରେଣୀରେ ଟପ୍ପର ହୋଇ ସେ ବେଙ୍ଗାଲୁରରେ ନିଜ ବଡ଼ ଭାଇଙ୍କ ସହ ରହି ଏକାଦଶ ଓ ଦ୍ୱାଦଶ ପାଠ୍ୟକ୍ରମ ସମାପ୍ତ କରିଥିଲେ। ପରେ ସିଏରେ ନାମ ଲେଖାଇ ପ୍ରଥମ ପଦାର୍ପଣରେ ଇଂଟରରେ ପାସ କରିବା ସହିତ ସର୍ବଭାରତୀୟ ସ୍ତରରେ ତୃତୀୟ ସ୍ଥାନ ହାସଲ କରିଛନ୍ତି। କଠୋର ପରିଶ୍ରମ ଅଧ୍ୟବସାୟ ହିଁ ସଫଳତା ଆଣିଥାଏ ବୋଲି ସୁଦୀପ୍ତା କହିବା ସହ ସଫଳତାର ଶ୍ରେୟ ସମସ୍ତ ଶିକ୍ଷକ, ଶିକ୍ଷୟତ୍ରୀ, ଅଭିଭାବକ ଓ ବନ୍ଧୁଙ୍କୁ ଦେଇଛନ୍ତି।
