କୋରାପୁଟ,ଏନ୍ଏନ୍ଏସ୍: କୋରାପୁଟ ଜିଲ୍ଲା ବୈପାରିଗୁଡ଼ାର ଟାଙ୍ଗଣିଗୁଡ଼ା ଜଙ୍ଗଲରୁ ବ୍ୟାପକ ଗଞ୍ଜେଇ ଜବତ ହୋଇଛି। ବୈପାରିଗୁଡ଼ା ପୁଲିସ ଜଣେ ନାବାଳକ ସମେତ ୫ଜଣକୁ ଗିରଫ କରିଥିବାବେଳେ ସେମାନଙ୍କଠାରୁ ୩୨୬ କିଲୋ ୫୦୦ ଗ୍ରାମ୍ ଗଞ୍ଜେଇ ଜବତ କରିଥିବା ପ୍ରବେସନାରୀ ଡିଏସପି ଅଂଶୁମାନ ଦ୍ୱିବେଦୀ ସୂଚନା ଦେଇଛନ୍ତି। ଗିରଫ ଅଭିଯୁକ୍ତମାନେ ହେଲେ ବୈପାରିଗୁଡ଼ା ଥାନା ଝୋଡ଼ିଆଗୁଡ଼ା ଗ୍ରାମର କୃଷ୍ଣ ଖୀଲ, ମାଲକାନଗିରି ଜିଲ୍ଲା ମାଥିଲି ଥାନା ଟୋଟାଗୁଡ଼ା ଗ୍ରାମର ଧନ ହନ୍ତାଲ, ଜୟ ଗଲୋରୀ ଏବଂ ଗୁମାଝରନ୍ ଗ୍ରାମର ରାଜେନ୍ଦ୍ର ମାଛ। ମିଳିଥିବା ରିପୋର୍ଟ ମୁତାବକ, ଗିରଫ ଅଭିଯୁକ୍ତମାନେ ଗଂଜେଇକୁ ୫ଟି କାଉଡ଼ିରେ କାଂଧେଇ ବୈପାରିଗୁଡ଼ା ଥାନା ଟାଙ୍ଗଣିଗୁଡ଼ା ଜଙ୍ଗଲ ଦେଇ ମାଲକାନଗିରି ଜିଲ୍ଲା ମାଥିଲି ଥାନା ଗୁମ୍ମାଝରନରୁ କୋରାପୁଟ ଜିଲ୍ଲା କୋଟପାଡ଼କୁ ନେଉଥିଲେ। ବୈପାରିଗୁଡ଼ା ପୁଲିସ ସେମାନଙ୍କୁ ସନ୍ଦେହରେ ପଚରାଉଚୁରା କରିଥିଲେ ଓ ଚୋରା ଗଞ୍ଜେଇ ଚାଲାଣ ହେଉଥିବା ଜାଣିପାରି ଗଞ୍ଜେଇ ଜବତ କରିବା ସହ ସମସ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା ମିଳିଛି।
