କୋରାପୁଟ,ଏନ୍ଏନ୍ଏସ୍ : କୋଟପାଡ଼ ବାର୍ ଆସୋସିଏସନର ସଭାପତି ମଣିଶଙ୍କର ପଟ୍ଟନାୟକଙ୍କ ବାପା ଡାକ୍ତର ନରସିଂହ ରାଓ ପଟ୍ଟନାୟକଙ୍କର ଶହେତମ ଜନ୍ମଦିନ ପାଳିତ ହୋଇଯାଇଛି। ଶ୍ରୀ ପଟ୍ଟନାୟକ ଜଣେ ହୋମିଓପାଥି ଡାକ୍ତର ହୋଇଥିଲେ ମଧ୍ୟ ସମାଜସେବାକୁ ଜୀବନର ବ୍ରତ ଭାବେ ଗ୍ରହଣ କରି କୋଟପାଡ଼ ଅଞ୍ଚଳରେ ସ୍ୱତନ୍ତ୍ର ପରିଚୟ ସୃଷ୍ଟି କରଛନ୍ତି। ଶ୍ରୀ ପଟ୍ଟନାୟକଙ୍କ ଜନ୍ମଦିନ ଅବସରରେ ଜୟପୁର ବିଧାୟକ ତାରା ପ୍ରସାଦ ବାହିନୀପତି, କୋଟପାଡ଼ର ପୂର୍ବତନ ବିଧାୟକ ଚନ୍ଦ୍ର ଶେଖର ମାଝୀ, ବ୍ଲକ୍ ଅଧ୍ୟକ୍ଷ ବୈଦ୍ୟନାଥ ପୂଜାରୀ, କୋଟପାଡ଼ ଏନଏସିର ପୂର୍ବତନ ଅଧ୍ୟକ୍ଷା ସବିତା ପଟ୍ଟନାୟକ, କଂଗ୍ରେସ ନେତା ପ୍ରକାଶ ମହାନ୍ତି, ବିଜେଡି ନେତା ତ୍ରିପତି ମହାନ୍ତି, ସନାତନ ଦାଶ, ମନୋହର ବିଷୋୟୀ, ସୁଧୀର ମହାନ୍ତି, ଓକିଲ ସଂଘ ସମ୍ପାଦକ ମୁନ୍ନା ସିଂହ ଲାଲ୍ ପ୍ରମୁଖ ଅଭିନନ୍ଦନ ଜଣାଇଛନ୍ତି।
