କେନ୍ଦୁଝର,ଏନ୍ଏନ୍ଏସ୍ : କେନ୍ଦୁଝର ଜିଲ୍ଲାର ବିଭିନ୍ନ ସ୍ଥାନରେ ଶୁକ୍ରବାର ରାତିରେ ତୁଷାରପାତ ହୋଇଥିବା ଖବର ମିଳିଛି । ଜିଲ୍ଲାର ତାପମାତ୍ରା ସେତେ କମ ନଥିଲେ ମଧ୍ୟ ଜିଲାର ସଦରବ୍ଲକର ବାଉରିପଦା,ରାଇସୁଆଁ,ବଡ଼ବିଲ,ତଣ୍ଡିଯୋଡ଼ା,କାଞ୍ଜିପାଣି,କିରିବୁରୁ ସମେତ ବିଭିନ୍ନ ସ୍ଥାନରେ ତୁଷାରପାତର ଛିଟା ଦେଖିବାକୁ ମିଳିଛି । କାଞ୍ଜିପାଣି ଅଞ୍ଚଳରେ ପ୍ରତ୍ୟେକ ବର୍ଷ ତୁଷାରପାତ ହୋଇଥାଏ କିନ୍ତୁ ଚଳିତ ବର୍ଷ ଜିଲ୍ଲାର ବିଭିନ୍ନ ସ୍ଥାନରେ ତୁଷାରପାତ ଲୋକଙ୍କୁ ଖୁସି ଆଣିଦେଇଛି । ସୂଚନା ଥାଉକି କେନ୍ଦୁଝରର ତାପମାତ୍ରା ମଧ୍ୟ ରେକର୍ଡ ଭାଙ୍ଗିଛି । ଶୁକ୍ରବାର ରାତିରେ ତାପ ମାତ୍ରା ୫.୬ ଥିଲା ।
