ନୂଆଦିଲ୍ଲୀ: ବଲିଉଡ଼ କୁଇନ କଙ୍ଗନା ରନାୱତ କଡ଼ା ସୁରକ୍ଷା ମଧ୍ୟରେ ମୁମ୍ବାଇ ପହଞ୍ଚିଛନ୍ତି। ମୁମ୍ବାଇରେ ପହଞ୍ଚିବା ମାତ୍ରକେ କଙ୍ଗନା ଟ୍ୱିଟରରେ ଏକ ଭିଡିଓ ଜାରି କରି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ତାଙ୍କ ଶଦ୍ଦ ବାଣରେ ଟାର୍ଗେଟ କରିଛନ୍ତି। ଉଦ୍ଧବଙ୍କ ନାଁ ନେଇ କଙ୍ଗନା କହିଛନ୍ତି ଯେ, ‘ତୁମକୁ କ’ଣ ଲାଗୁଛି ଫିଲ୍ମ ମାଫିିଆଙ୍କ ସହ ମିଶି ମୋ ଘର ଭାଙ୍ଗି ମୋ’ଠାରୁ ବହୁତ ବଡ଼ ପ୍ରତିଶୋଧ ନେଇଛ। ଆଜି ଯେଉଁ କ୍ରୁରତା ଓ ଆତଙ୍କ ଦେଖାଇଛ ଭଲ ହେଲା ତାହା ମୋ ସହ ହୋଇଛି। ଆଜି ମୋ ଘର ଭାଙ୍ଗିଛି, କାଲି ତୁମ ଗର୍ବ ଭାଙ୍ଗିବ।’ ଏଥିସହିତ କଙ୍ଗନା ଆଗାମୀ ଦିନରେ ଅଯୋଦ୍ଧା ଓ କଶ୍ମୀର ଉପରେ ଫିଲ୍ମ ନିର୍ମାଣ କରିବେ ବୋଲି ମଧ୍ୟ ସୂଚନା ଦେଇଛନ୍ତି।
