ପାଟଣା,ଏନ୍ଏନ୍ଏସ୍:କେନ୍ଦୁଝର ଜିଲ୍ଲା ସାହାରପଡ଼ା ବ୍ଲକ୍ ମାଛଗଡ଼ ପଞ୍ଚାୟତ ରାଜୀବଗାନ୍ଧୀ ସେବା କେନ୍ଦ୍ରରେ ବୁଧବାର ସାହାରପଡା ବ୍ଲକ୍ ବିଜେଡି ତରଫରୁ ଜୀବନ ବିନ୍ଦୁ କାର୍ୟ୍ୟକ୍ରମ ଅନୁଷ୍ଠିତ ହୋଇଛି। ଏହି କାର୍ଯ୍ୟକ୍ରମରେ ସାମାଜିକ ଦୂରତା ରକ୍ଷା କରି ମୋଟ ୩୬ ୟୁନିଟ ରକ୍ତ ସଂଗ୍ରହ କରାଯାଇଛି।
ଏହି ରକ୍ତଦାନ ଶିବିରରେ ପାଟଣା ବିଧାୟକ ଜଗନ୍ନାଥ ନାଏକ, ବିଜେଡି ଦଳ ତରଫରୁ ରାଜ୍ୟ ବିଜେଡି ସମ୍ପାଦକ ଆଶୀଷ ଚକ୍ରବର୍ତ୍ତୀ, ଜିଲ୍ଲା ବିଜେଡି ସଭାପତି ତଥା ପୂର୍ବତନ ସାଂସଦ ମାଧବ ସର୍ଦ୍ଦାର, ବ୍ଲକ୍ ସଭାପତି ଗୋବିନ୍ଦ ମହାନ୍ତ, ବରିଷ୍ଠ ନେତା କରୁଣା ସାଗର ଖାଟୁଆ, ଦୀପକ ରାଜ, ମାଛଗଡ଼ ସରପଞ୍ଚ ଈଶ୍ୱର ଚନ୍ଦ୍ର ନାଏକ, ସମିତି ସଭ୍ୟ ରଞ୍ଜନ କୁମାର ସାହୁ ଓ ସାମାଜସେବୀ ଦିଲ୍ଲୀପ କୁମାର ସାହୁ ପ୍ରମୁଖ ଯୋଗଦେଇ ରକ୍ତଦାନ ଶିବିରର ପରିଚାଳନା କରିଥିଲେ। ଡ଼ ନିର୍ମଳ କୁମାର ମହାନ୍ତଙ୍କ ଉପସ୍ଥିତିରେ ଜିଲ୍ଲା ରକ୍ତ ଭଣ୍ଡାର ପକ୍ଷରୁ ପିଆରଓ ଅକ୍ଷୟ ସାହୁ, ଟେକ୍ନିସିଆନ ମିନତୀ ଓଝା ଓ ଶଙ୍କର୍ଷଣ ସାହୁ ପ୍ରମୁଖ ଏହି ଶିବିର ପରିଚାଳନା କରିଥିଲେ।
