ଝାରସୁଗୁଡା: ଝାରସୁଗୁଡ଼ା ପ୍ରେସ କ୍ଲବ ପକ୍ଷରୁ ଆଜି ଦିବଙ୍ଗତ ସାମ୍ବାଦିକଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି। ଏହି ଅବସରରେ ଝାରସୁଗୁଡ଼ା ଓକିଲ ସଂଘର ସଭାପତି ତ୍ରିନାଥ ଗୁଆଲ, ଝାରସୁଗୁଡ଼ା ପ୍ରେସ କ୍ଲବର ସଭପତି ସନ୍ତୋଷ ମିଶ୍ର, କାର୍ଯ୍ୟକାରୀ ସଭାପତି ସୁବାଷ ଚନ୍ଦ୍ର ପ୍ରଧାନ ଓ ସମ୍ପାଦକ ସୁଦାମ ସାହୁଙ୍କ ସମେତ ସମସ୍ତ ସଦସ୍ୟମାନେ ଉପସ୍ଥିତ ରହି ସମାର୍ଜ ଖବରକାଗଜର ପୂର୍ବତନ ସମ୍ପାଦିକା ମନୋରମା ମହାପାତ୍ର, ସାମ୍ବାଦିକ ଅରିନ୍ଦମ ଦାସ, ଅମଜଦ ବାଦଶାହ ଓ ସୁବାଷ ସାହରେ ପ୍ରମୁଖଙ୍କ ଫୋଟୋଚିତ୍ରରେ ମାଲ୍ୟାର୍ପଣ କରିବା ସହ ସେମାନଙ୍କ ସ୍ମୃତିଚାରଣ କରିଥିଲେ। ଏହାସହ ସାମ୍ବାଦିକଙ୍କ କ୍ଷେତ୍ରରେ ଆସୁଥିବା ସମସ୍ତ ବାଧାବିଘ୍ନ ଏବଂ ଲୋକଙ୍କ ପାଖକୁ ଖବର ପହଞ୍ଚାଇବା ପାଇଁ ସେମାନଙ୍କର ନିଷ୍ଠା ବିଷୟରେ ଆଲୋଚନା କରାଯାଇଥିଲା। ଏହି ଅବସରରେ ମେହେବୁବୁ ମେହେତାବ, ତପସ୍ୱୀଲାଲ ତିୱାରୀ, ସନ୍ତୋଷ ମହାପାତ୍ର, ସନ୍ତୋଷ ସାହୁ, ସିତମ ପ୍ରଧାନ, ବିକ୍ରମ ମହାପାତ୍ର, ମୁକେଶ ପ୍ରଧାନ, ଜିତେନ୍ଦ୍ର ଦେବତା ଓ ଗୁରୁଚରଣ ବାଗଙ୍କ ସହ ଝାରସୁଗୁଡ଼ା ପ୍ରେସ କ୍ଲବର ସଦସ୍ୟମାନେ ଉପସ୍ଥିତ ଥିଲେ।
