ଜମ୍ମୁ-କଶ୍ମୀର: ଜମ୍ମୁ-କଶ୍ମୀରର ନରୱାଲ ଅଞ୍ଚଳରେ ଆଜି ସକାଳେ ୨ଟି ବିସ୍ଫୋରଣ ଘଟିଛି । ଫଳରେ ୭ଜଣ ଆହତ ହୋଇଥିବା ନେଇ ସୂଚନା ମିଳିଛି । ଆହତକଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ବରିଷ୍ଠ ପୁଲିସ ଅଧିକାରୀ ଉପସ୍ଥିତ ରହିଛନ୍ତି ।
ସୂଚନାଯୋଗ୍ୟ, ଟ୍ରାନ୍ସପୋର୍ଟ ୱାର୍ଡ ନମ୍ବର ୭ରେ ପ୍ରଥମ ବିସ୍ଫୋରଣ ପାଖାପାଖି ୧୧ଟା ବେଳେ ହୋଇଥିଲା । ଏହାର ଠିକ୍ ୧୫ରୁ ୨୦ ମିନିଟ ପରେ ଉକ୍ତ ଅଞ୍ଚଳରେ ଦ୍ୱିତୀୟ ବିସ୍ଫୋରଣ ଘଟିଥିଲା । ଏହି ୨ଟି ବିସ୍ଫୋରଣରେ ଷ୍ଟିକୀ ବୋମା ବ୍ୟବହାର ହୋଇଥିବା ନେଇ ପ୍ରାଥମିକ ତଦନ୍ତରୁ ଜଣାପଡ଼ିଛି ।
