ଭୁବନେଶ୍ୱର,ଏନ୍ଏନ୍ଏସ୍: ବରିଷ୍ଠ ଆଇପିଏସ୍ ଅରୁଣ କୁମାର ରାୟଙ୍କୁ ଅଗ୍ନିଶମ ସେବା ବାହିନୀ ଡିଜି ଭାବେ ମିଳିଲା ଅତିରିକ୍ତ ଦାୟିତ୍ୱ। ଅଗ୍ନିଶମ ସେବା ଡିଜି ଏମ. ଅକ୍ଷୟ ଚାକିରିରୁ ଅବସର ନେବା ପରେ ଏହି ଅତିରିକ୍ତ ଦାୟିତ୍ୱ ଅରୁଣଙ୍କୁ ଦିଆଯାଇଛି।
୧୯୮୮ ବ୍ୟାଚର ବରିଷ୍ଠ ଆଇପିଏସ୍ ତଥା ସ୍ବତନ୍ତ୍ର ଡିଜି ଅରୁଣ କୁମାର ରାୟ ଅଗ୍ନିଶମ ସେବା ବାହିନୀ ଡିଜି ଭାବେ ଅତିରିକ୍ତ ଦାୟିତ୍ବ ତୁଲାଇବେ। ସେ ହୋମଗାଡ଼ କମାଣ୍ଡିଂ ଜେନେରାଲ ଓ ସିଭିଲ ଡିଫେନ୍ସ ନିର୍ଦ୍ଦେଶକ ଭଳି ଅତିରିକ୍ତ ଦାୟିତ୍ୱ ତୁଲାଇଛନ୍ତି। ଏବେ ସେ ସ୍ବତନ୍ତ୍ର ଡିଜି(କମ୍ୟୁନିକେଶନ) ଭାବେ କାର୍ଯ୍ୟ କରୁଛନ୍ତି। ଏହି ଦାୟିତ୍ୱ ସହ ଉପରୋକ୍ତ ଦାୟିତ୍ୱଗୁଡ଼ିକୁ ସେ ଅତିରିକ୍ତ ଭାବେ ତୁଲାଇବେ।
