ଅନ୍ତର୍ଜାତୀୟ ମାତୃଭାଷା ଦିବସ: ହୃଦୟରୁ ହୃଦୟକୁ ସ୍ପର୍ଶ କରେ ମାତୃଭାଷା

ବାଂଲାଦେଶରେ ଫେବୃଆରୀ ୨୧ ହେଉଛି ଦେଶ ଇତିହାସରେ ଏକ ପ୍ରମୁଖ ଦିନ। ନିଜ ପାଇଁ କିମ୍ବା ମହିଳା ସମ୍ପର୍କୀୟଙ୍କ ପାଇଁ ଗିଫ୍ଟ କିଣନ୍ତି, ଏକ ଭୋଜିଭାତର ଆୟୋଜନ କରନ୍ତି, ଏହାସହ ସାହିତ୍ୟ ପ୍ରତିଯୋଗିତା ମଧ୍ୟ କରନ୍ତି। ବାଂଲାଦେଶର ସଂସ୍କୃତି ଏବଂ ବଙ୍ଗଳା ଭାଷା ପାଳନ କରିବାର ଏହା ଏକ ସମୟ। ଭାଷାଭିତ୍ତିକ ସ୍ବତନ୍ତ୍ର ରାଜ୍ୟ ଗଠନ ହେବାପରେ ଆଜି ମଧ୍ୟ ଓଡିଆ ଭାଷାକୁ ସେତିକି ଗୁରୁତ୍ବ ଦିଆଯାଇନାହିଁ।

୧୯୪୭ରେ ଭାରତ ବିଭାଜନ ପରେ ପାକିସ୍ତାନର ସୃଷ୍ଟି ହୋଇଥିଲା । ଏପଟେ ପଶ୍ଚିମ ପାକିସ୍ତାନ ଓ ସେପଟେ ପୂର୍ବ ପାକିସ୍ତାନ ଏଭଳି ଦୁଇ ଭାଗରେ ଗୋଟିଏ ଦେଶ ବିଭକ୍ତ ହୋଇଥିଲା। ତେବେ ପୂର୍ବ ଏବଂ ପଶ୍ଚିମ ପାକିସ୍ତାନ ମଧ୍ୟରେ ଅର୍ଥନୈତିକ, ସାଂସ୍କୃତିକ ଏବଂ ଭାଷାଭିତ୍ତିକ କନ୍ଦଳ ଦେଖାଦେଇଥିଲା। ୧୯୪୮ ଫେବ୍ରୁଆରି ୨୩ ତାରିଖରେ ଏହି ଉତ୍ତେଜନା ସ୍ପଷ୍ଟ ହୋଇଥିଲା । କିନ୍ତୁ ପାକିସ୍ତାନ ସରକାର ଏହି ଦାବି ପ୍ରତି ଆଦୌ ଧ୍ୟାନ ନ ଦେଇ ଦମନମୂଳକ ପନ୍ଥା ଗ୍ରହଣ କରିଥିଲେ ।

୧୯୯୯ ମସିହାରେ କାନାଡ଼ାରେ ରହୁଥିବା ବାଂଲାଦେଶୀ ବୁଦ୍ଧିଜୀବୀ ରଫିକୁଲ ଇସ୍‌ଲାମ ଜାତିସଂଘର ସେକ୍ରେଟାରି ଜେନେରାଲ୍‌ କୋଫି ଆନନ୍‌ଙ୍କୁ ଏକ ପତ୍ର ଲେଖି, ପୃଥିବୀର ବିଭିନ୍ନ ଦେଶର ମାତୃଭାଷାଗୁଡ଼ିକୁ ଧ୍ବଂସମୁଖରୁ ବଞ୍ଚାଇବା ନିମନ୍ତେ ପଦକ୍ଷେପ ଦାବି କରିଥିଲେ । ତାଙ୍କର ପ୍ରସ୍ତାବ ଅନୁସାରେ ଜାତିସଂଘର ସାଂସ୍କୃତିକ ଅନୁଷ୍ଠାନ ୟୁନେସ୍କୋ ୨୧ ଫେବ୍ରୁଆରିକୁ ମାତୃଭାଷା ଦିବସ ଭାବେ ସାରା ପୃଥିବୀରେ ପାଳନ ଲାଗି ନିଷ୍ପତ୍ତି ନେଇଥିଲା ।