କନ୍ଧମାଳ,ଏନ୍ଏନ୍ଏସ୍: ଆନ୍ତର୍ଜାତୀୟ ନିଶା ନିବାରଣ ଦିବସ ଅବସରରେ ସଖୀ ୱାନ ଷ୍ଟପ ସେଣ୍ଟର କନ୍ଧମାଳ ଏବଂ ଫୁଲବାଣୀ ଏଏନଏମ ତାଲିମ ଅନୁଷ୍ଠାନ ପକ୍ଷରୁ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଏଏନଏମ ତାଲିମ ଅନୁଷ୍ଠାନର ଛାତ୍ରୀଙ୍କୁ ନେଇ ନିଶା ନିବାରଣ ଉପରେ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ଏକ କାର୍ଯ୍ୟକ୍ରମ ଆୟୋଜିତ କରାଯାଇଥିଲା । ସଖୀ ୱାନ ଷ୍ଟପ ସେଣ୍ଟରର ଅପର୍ଣ୍ଣା ବେହେରାଙ୍କ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ଆଇନଜୀବୀ ନନ୍ଦିତା କୁମାରୀ, ଏସ.ପାଣିଗ୍ରାହୀ, ପ୍ରଜ୍ଞା ପ୍ରାରମ୍ଭିକା ଓ ଏଏନଏମ ତାଲିମ ଅନୁଷ୍ଠାନର ଅଧ୍ୟକ୍ଷା ସ୍ନେହାଞ୍ଜଳୀ ପ୍ରମୁଖ ଯୋଗଦେଇ ନିଶା ନିବାରଣ ଉପରେ ବିଭିନ୍ନ ସ୍ଲୋଗାନ ଦେଇ ଲୋକଙ୍କୁ ସଚେତନ କରିଥିଲେ ।
